07.10.2026 | 23:48
Արթուր Դանիելյանը կալանավորվեց
Ամբողջ ժողովուրդը նշանառության տա՞կ էր. Հայկ Գևորգյանը՝ ընդդիմության հավաքի մասին. ՏԵՍԱՆՅՈՒԹ
Քաղաքականություն
04.03.2021 | 14:35
ԱԺ շենքում տեղակայված դիպուկահարի նշանառության տակ ոչ թե ժողովուրդն էր, այլ պոտենցիալ հանցագործներն էին։ Այս մասին ԱԺ-ում լրագրողների հետ զրույցում նշեց ԱԺ «Իմ քայլը» խմբակցության պատգամավոր Հայկ Գևորգյանը՝ հավելելով, որ կան անվտանգության տրիվիալ միջոցներ:
Դիտարկմանը, որ դա ուժի ցուցադրում էր, Հայկ Գևորգյանը արձագանքեց. «Դուք պատկերացում չունեք ո՛չ ժողովրդավարության, ո՛չ ազատության մասին»։
Իսկ թե ինչո՞ւ են զոդել ԱԺ դարպասները, երբ Նիկոլ Փաշինյանն առաջ հայտարարում էր, որ այդ այգին քաղաքացիներինն է, Հայկ Գևորգյանը պատասխանեց, որ պետք է հիշել, թե ամիսներ առաջ ինչ է իրականացվել ԱԺ նախագահի դեմ «մի խումբ հանցագործների» կողմից։
«Չեք հիշո՞ւմ։ Մահափորձ եղավ։ Ո՞ւր են այդ մահափորձ իրականացնողները, ազատության մեջ, ազատ շրջում են քաղաքում»,- ասաց նա։
Մանրամասները՝ տեսանյութում:
