31.10.2026 | 22:55
Հայտնաբերվել է զինծառայողի դի. ՊՆ
Խայտառակ իշխանության հեռանալուց հետո Մարտի 1-ի գործն էլ է վերանալու. Հովհաննես Խուդոյան. ՏԵՍԱՆՅՈՒԹ
Քաղաքականություն
01.03.2021 | 16:32
Factor TV-ի հարցազրույցը ՀՀ երկրորդ նախագահ, Մարտի 1-ի գործով ամբաստանյալ Ռոբերտ Քոչարյանի պաշտպան Հովհաննես Խուդոյանի հետ
-Մարտի 1–ի արյունալի իրադարձությունների 13-րդ տարելիցն է այսօր: Իշխանությունները հայտնի գործի հարուցումից հետո նշում էին, թե գործը բացահայտված է։ Ի՞նչ ունենք այս գործով այսօր՝ Ձեր կարծիքով:
-Նախևառաջ պետք է հասկանալ, թե ինչ են հասկանում «բուն գործը բացահայտված» ասելով, ի՞նչ միտում և ի՞նչ նպատակ կա բացահայտելու, նոր կհասկանանք բացահայտված է, թե՝ ոչ։ Իմ ընկալումը միշտ այն է եղել, որ Մարտի 1-ի գործի ամբողջական բացահայտումը նշանակում է՝ տասը սպանությունների հանգամանքների բացահայտում, որով, վստահաբար կարող եմ ասել, 2011-2012 թվականների համեմատությամբ՝ որևէ տեղաշարժ ՀՔԾ-ն չի կատարել։ Հակառակը՝ հաստատվել են բոլոր այն պնդումները, որոնք նախկինում կատարվել են նախորդ իշխանությունների կողմից։
– Բանակը, զինված ուժերը քաղաքական գործընթացներին խառնելը սահմանադրական կարգի տապալո՞ւմ է, թե՞ ոչ:
-Միանշանակ՝ ոչ, որովհետև թե՛ այն ժամանակվա, թե՛ ներկայիս օրենսդրությամբ ամրագրված է, որ բանակը կարող է մասնակցել երկրի, պայմանական ասած՝ ներքաղաքական, իսկ իրականում՝ ներքին անվտանգության հարցերին։ Բանակային ստորաբաժանումներն այն ժամանակ էլ, հիմա էլ իրավունք ունեն պետությանը սպառնացող ներքին վտանգների պարագայում, օրինակ՝ հսկողության տակ առնել կարևոր նշանակության շենքեր-շինություններ։ Այսօրվա համամեմատությամբ նշեմ, որ եթե ստացվի տեղեկություն, որ Կառավարությանը, նախագահի ինստիտուտին կամ ԱԺ-ին սպառնում է հարձակման վտանգ, ԶՈՒ-ն կարող է իրականացնել շենքերի, օբյեկտների պահպանություն, այդ թվում՝ զենքի ուժով։
-Չե՞ք կարծում, որ այս տասներեք տարիներին Մարտի 1-ի թեման կունենար այլ կոնտեքստ, եթե Ռոբերտ Քոչարյանը ներողություն հայցեր սպանվածների ընտանիքներից։ Այս կերպ նրա քաղաքական պատասխանատվությունը կընդգծվեր։
–Ես չեմ կարծում, որ Մարտի 1-ի գործի ընթացքը պայմանավորված է տուժողների վերաբերմունքով, այն կապված է բացառապես քաղաքական իշխանության կապրիզների հետ, մեղքն իրենց ուսերից այլոց վրա բարդելու հետ։
– Ձեր կանխատեսմամբ՝ դեռ որքա՞ն է տևելու այս գործի քննությունը։
-Այն օրը, երբ քաղաքական իշխանությունը չի կարողանա մանիպուլյատիվ գործիքների տնօրինել, մեր Գլխավոր դատախազությունը կհասկանա, որ գործում իրավական խնդիրներ կան։ Ասել եմ նախկինում, կասեմ նաև հիմա՝ այս գործը երբեք ավարտական դատական ակտ չի ունենալու։ Չի լինելու ո՛չ մեղադրական, ո՛չ էլ արդարացման դատավճիռ։
-Այսինքն՝ ակնկալում եք, որ իշխանափոխություն կլինի և գործն այդքանով կավարտվի՞։
-Ակնկալիքը, որ այս խայտառակ իշխանությունը պետք է հեռանա, իսկ քանի որ գործն իրենց խայտառակ պատվերն է, իրենց հեռանալուց հետո գործն էլ է վերանալու։
Հարցազրույցն ամբողջությամբ՝ տեսանյութում։
Լիլիթ Շաբոյան
