29.04.2026 | 17:01
ՄԱԿ-ը հայտնում է, որ Իրանում պատերազմի սկզբից ի վեր մահապատժի է ենթարկվել առնվազն 21 մարդ, ձերբակալվել՝ 4000-ը
ԿԳՆ-ում քննարկվել է Հայաստանում արաբերեն լեզվի ուսուցման հեռանկարը
Հասարակություն
26.01.2018 | 19:50
ՀՀ կրթության և գիտության նախարար Լևոն Մկրտչյանն այսօր ընդունել է ՀՀ–ում Սիրիայի Արաբական Հանրապետության արտակարգ և լիազոր դեսպան Մոհամմեդ Հաջ Իբրահիմին:
Ողջունելով հյուրին` ԿԳ նախարար Լևոն Մկրտչյանը կարևորել է երկու բարեկամ պետությունների միջև առկա համագործակցության ամրապնդմանն ու զարգացմանն ուղղված յուրաքանչյուր գործնական նախաձեռնություն: Այդ համատեքստում Լևոն Մկրտչյանն կարևորել է ՀՀ կրթության և գիտության նախարարության և Սիրիայի Արաբական Հանրապետության բարձրագույն կրթության նախարարության միջև առաջիկայում ստորագրվելիք համագործակցության մասին հուշագիրը, որում կամրագրվի կրթության և գիտության բնագավառներում 2018-2020 թթ գործնական քայլերը:
Գոհունակություն հայտնելով կրթության ոլորտում առկա համագործակցության մակարդակից` պարոն Հաջ Իբրահիմին բարձր է գնահատել Հայաստանի համալսարանական համակարգում սիրիացի ուսանողների ներգրավվածության լայն հնարավորությունը: Անդրադարձ է եղել Սիրիայում հայկական բարձրագույն ուսումնական հաստատության մասնաճյուղի ստեղծման հնարավորություններին և Սիրիայի բարձրագույն կրթության նախարարի Հայաստան կատարելիք այցին:
Հանդիպման ընթացքում քննարկվել է Հայաստանում արաբերեն լեզվի ուսուցման հեռանկարին, ուսանողների կրթաթոշակային ծրագրերին, Սիրիայի հայ համայնքի կրթության կազմակերպման խնդիրներին և երկկողմ հետաքրքրություն ներկայացնող այլ հարցերի:
