30.06.2026 | 18:44
Թուրքիան գնահատում է SAMP-T և Patriot համակարգերի ձեռքբերման հնարավորությունը՝ իր հակաօդային պաշտպանությունն ամրապնդելու համար
Բաքու-Թբիլիսի-Կարս երկաթուղով իրականացվել է Թուրքիայից Ռուսաստան 1-ին արտահանումը
Տնտեսություն
09.02.2021 | 22:37
Բաքու-Թբիլիսի-Կարս երկաթուղով արտահանում իրականացնող առաջին գնացքը 2021թ. հունվարի 29-ին Թուրքիայի մայրաքաղաք Անկարայից ճանապարհ էր ընկել դեպի Ռուսաստան. հաղորդում է ermenihaber-ը:
Բեռնափոխադրող գնացքն արդեն հասել է մերձմոսկովյան Կալուգա մարզի տարածք։ Կալուգայում կազմակերպվել է գնացքը դիմավորելու հանդիսավոր արարողություն, որին մասնակցել է նաև Ռուսաստանում Թուրքիայի դեսպան Մեհմեթ Սամսարը։
Բեռնափոխադրող գնացքը Ռուսաստան է տեղափոխել թուրքական հայտնի «BEKO» ապրանքանիշի 4000 միավոր կենցաղային տեխնիկա։
Հանդիսավոր արարողության ընթացքում ելույթ ունեցած Թուրքիայի դեսպան Սամսարը նշել է, որ Թուրքիա-Ռուսաստան հարաբերությունների կարևորագույն բաղադրիչը տնտեսական փոխհարաբերություններն են։
Նա հավելել է, որ այս գնացքը բացի արտահանման միջոց լինելուց՝ երկու երկրների և ժողովուրդների համար բարեկամության յուրատեսակ կամուրջ է։
