19.05.2026 | 21:50
Հրդեհի ահազանգ Մասիս քաղաքում․ ըստ նախնական տվյալների՝ կան երկու զոհ և երկու տուժած
ԱԱՏՄ-ն խախտումներ է արձանագրել Կապանում, Գորիսում և Վանաձորում
08.02.2021 | 21:58
ՀՀ առողջապահական և աշխատանքի տեսչական մարմնի(ԱԱՏՄ) հյուսիսային և հարավային տարածքային ստորաբաժանման աշխատակիցները ստուգայցերով եղել են Սյունիքի մարզի Կապան և Գորիս քաղաքներում, ինչպես նաև Լոռու մարզի Վանաձոր քաղաքում: Այս մասին տեղեկացնում է ԱԱՏՄ-ն:
Տեսչական մարմնի աշխատակիցների ստուգայցը եղել է վերոնշյալ համայնքներում գործող գրասենյակային փակ տարածքներում, նախադպրոցական, ուսումնական հաստատություններում, պոլիկլինիկաներում, ստոմատոլոգիական կլինիկաներում, դեղատներում, տոնավաճառներում, ինչպես նաև մանրամեծախ առևտրի այլ կետերում և վարսավիրանոցներում:
Ստուգայցի ընթացքում դիտարկվել է ՀՀ առողջապահության նախարարի 17-Ն հրամանով հաստատված նորմերի պահպանումը։ Մասնագետներն արձանագրել են դիմակ չկրելու, հեռավար ջերմաչափեր չունենալու դեպքեր։ Եղել են որոշ խախտումներ ախտահանման և ջերմաչափման գրանցամատյանների վարման կարգում։
ԱԱՏՄ տարծքային ստորաբաժանմժումների տեսուչները տվել են մի շարք հանձնարարականներ առկա թերություններն ու խախտումները վերացնելու ուղղությամբ:
