Ընդդիմությունը, որը չունի օրակարգ, պետք է ինքնահաստատվելու, ուժեղ երևալու օրակարգ փնտրի․ Պապիկյանը՝ Քոչարյանի հայտարարության մասին. ՏԵՍԱՆՅՈՒԹ

Լուրեր

22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
Բոլորը

Factor TV-ի հարցազրույցը իշխող «Քաղաքացիական պայմանագիր» կուսակցության վարչության նախագահ, տարածքային կառավարման և ենթակառուցվածքների նախարար Սուրեն Պապիկյանի հետ

-Պարո՛ն նախարար, երեկ «Իմ քայլը» հայտարարեց, որ արտահերթ խորհրդարանական ընտրություններ անցկացնելու մասին վարչապետի առաջարկը դրական արձագանք չի ստացել խորհրդարանական ընդդիմության կողմից, հասարակության լայն շերտերի շրջանում չկա արտահերթ ընտրությունների պահանջ։ Այսինքն՝ իշխող քաղաքական ուժը հետ կանգնեց արտահերթ ընտրություններ անցկացնելու մտքից։ Ինչո՞ւ։

-Իշխող քաղաքական ուժը հետ կանգնեց արտահերթ ընտրություններ անցկացնելու մտքից՝ սա մի փոքր իրականությունից կտրված ու այլ երանգի ներկայացվող տեքստ կարող է ընկալվել, որովհետև մենք առաջարկել ենք քաղաքական ուժերին՝ խորհրդարանական և արտախորհրդարանական, որ պատրաստ ենք գալ, նստել բանակցությունների սեղանի շուրջ և քննարկել արտահերթ ընտրություններ անցկացնելու գաղափարը։ Ըստ էության, 1․5 ամսվա ընթացքում մեզ չարձագանքեցին կամ արձագանքեցին այլ կերպ՝ մերժելով այդ օրակարգը։ Եվ, բնականաբար, մենք այս ընթացքում շփվել ենք քաղաքացիների հետ՝ հասկանալու համար՝ ի՞նչ պահանջ կա օրակարգում։ Բացի այդ, մենք ներկայացրել ենք ճանապարհային քարտեզը և մեզ պետք է ժամանակ ու կայունություն՝ դա կյանքի կոչելու համար։

– Այսինքն՝ արտահերթ ընտրությունների չգնալու հասարակության լայն շերտերի մասին պնդումը այդ հանդիպումների հիման վրա՞ էր արվում։

-Գիտեք՝ ես նորից եմ կրկնում, հանրության բոլոր շրջանակների հետ, ըստ էության, շփումներ եղել են, բայց այն, որ քաղաքական ուժերն այս ընթացքում մեզ չարձագանքելով՝ չկարողացան գեներացնել իրենց քաղաքական օրակարգը, ակնհայտ է, որ այս պահին չկա այդ հասարակական պահանջը։ Մենք հունիսի դրությամբ կամփոփենք մեր ճանապարհային քարտեզի կատարելիության աստիճանը, և ըստ այդմ․․․

-Այսինքն՝ չե՞ք բացառում, որ կարող է վերանայվել արտահերթի չգնալու որոշումը։

-Իհարկե, կարող ենք քննարկել՝ կախված մեր քայլերից ու կատարած աշխատանքից։ Այս պահին մենք հակված ենք, որ երկրում լինի կայունություն։

-Պարո՛ն Պապիկյան, այնուամենայնիվ ընկալում կար, որ այդ նահանջը կապված է Ռոբերտ Քոչարյանի՝ մեծ քաղաքականություն վերադառնալու հետ, և այն հայտարարության, որ մասնակցելու և հաղթելու են ընտրություններում։ Ինչպե՞ս կմեկնաբանեք։

-Գիտեք՝ ընդդիմությունը, որը չունի օրակարգ, պետք է իր համար փնտրի կայանալու և ինքնահաստատվելու, ուժեղ երևալու օրակարգ։ Սա դրա արտացոլումն է։ Այլ բան ասել չեմ կարող։

-Պարո՛ն նախարար, համակարծիք չե՞ք, որ պարտված իշխանությունը պետք է հեռանա՝ տեղը զիջելով այլ ուժի։ Ի վերջո, Ձեր քաղաքական թիմին մեղադրում են նաև դավաճանության համար։

-Բնականաբար, ես դավաճանությունը չեմ կիսում, ես դավաճան չեմ, ծառայում եմ հայրենիքին ու գիտեմ, թե՛ ես, թե՛ իմ քաղաքական ղեկավարությունն արել է ամենը՝ իր ուժերի չափով։

Հարցազրույցն ամբողջությամբ՝ տեսանյութում։

Լիլիթ Շաբոյան