17.09.2026 | 11:16
Կիևում ռուսական հարձակման հետևանքով տուժել է 16 մարդ, Օդեսայում ՝ բնակելի շենք վնասվել
Մեկ օրում Արցախում հրդեհի երեք դեպք է գրանցվել
Հասարակություն
07.02.2021 | 18:00
ԱՀ ՆԳՆ ԱԻ ծառայության 911 ահազանգման կենտրոնում այսօր հաղորդում է ստացվել Ասկերանի շրջանի Սարուշեն համայնքի բնակարաններից մեկում բռնկված հրդեհի մասին: Այս մասին հայտնում են ԱՀ ԱԻՊԾ-ից:
Դեպի վայր է մեկնել Ասկերանի արտակարգ իրավիճակների շրջանային բաժնի Սարուշեն համայնքի հրշեջ փրկարարական ջոկը և պարզել, որ տարածքում այրող չոր խոտածածկը քամու միջոցով տարածվել և այրել է նույն համայնքի բնակիչ Ա.Հ.-ին պատկանող նորակառույց բնակելի տան համար նախատեսված փայտանյութը:
Հրշեջ փրկարարները կատարել են հրդեհաշիջման աշխատանքներ:
Բաց տարածքում չոր խոտածածկի հերթական դեպքերը գրանցվել են Մարտունի քաղաքում և Ասկերան քաղաքի մերձակայքում: Հրշեջ փրկարարները ժամանակին մարել են կրակը: Տուժածներ չկան:
«Հարգելի հայրենակիցներ
ԱԻ ծառայությունը հորդորում է.
Հաշվի առնելով տաք եղանակային պայմանները, բնակիչներին հորդորում ենք զերծ մնալ բաց տարածքներում կամ անտառային գոտիներում կրակ վառելուց: Բոլոր դեպքերում պահպանեք աչալրջություն և խուսափեք սպառնալիքներից: Այն, մեծ հավանականությամբ կարող է նաև էկոլոգիական լուրջ խնդիրների առաջ կանգնեցնել»:
