14.12.2024 | 19:57
Ինչ իրավիճակ է ճանապարհներին 19։35-ի դրությամբ
«Թաղման բյուրոն» որոշել է հարազատ չունեցող հանգուցյալներին հուղարկավորելով՝ ավելացնել եկամուտները
Հասարակություն
02.02.2021 | 22:43
Երևանի ավագանին նախատեսում է «Բնակչության հատուկ սպասարկում» ՀՈԱԿ-ի (Թաղման բյուրո) կանոնադրության մեջ փոփոխություններ կատարել, որով հարազատ չունեցող և սոցիալապես անապահով անձանց հուղարկավորությունը կկազմակերպվի Թաղման բյուրոյի կողմից:
Ավագանու նիստի օրակարգ ընդգրկված նախագծում որպես հիմնավորում ասվում է, որ նշված ծառայության մատուցմամբ կավելանան կազմակերպության եկամուտները, արագընթաց ընթացակարգով կլուծվի հարազատ չունեցող և սոցիալապես անապահով անձանց, ինչպես նաև ազատազրկման վայրերում, բուժհաստատություններում, ծերանոցներում և մանկատներում մահացած անձանց հուղարկավորության կազմակերպման խնդիրը:
Ի դեպ, նշենք, որ վերջերս «Բնակչության հատուկ սպասարկում» ՀՈԱԿ-ի տնօրեն նշանակվեց քաղաքապետարանի աշխատակազմի ղեկավար Վահե Խաչատրյանը:
Նարեկ Կիրակոսյան
