Ի՞նչ կապ ունեն վարչապետի դիվանագիտական անձնագիրն ու Քյարամյանը. Ալեն Սիմոնյան. ՏԵՍԱՆՅՈՒԹ

«Իմ դիվանագիտական անձնագիրն էլ իմ աշխատասենյակում է հիմա, պարզապես իմ սենյակ չի հաջողվել մտեն, կարող էին նաև դիպլոմս գողանալ, հիմա վարչապետինը գողացել են»,- այս մասին, այսօր ԱԺ-ում լրագրողների հետ զրույցում նշեց ԱԺ փոխխոսնակ Ալեն Սիմոնյանը՝ անդրադառնալով այն հանգամանքին, որ օրերս համացանցում ցուցադրվեց վարչապետ Նիկոլ Փաշինյանի դիվանագիտական անձնագիրը:

«Ես չեմ հասկանում, թե ի՞նչ ինտրիգ կա նրա մեջ, որ կարելի է որևէ պաշտոնյայի անձնագիր կամ այլ փաստաթուղթ գողանալ: Եթե կարելի է մտնել վարչապետի տուն ու հեռախոս գողանալ, ապա հաստատ կարելի է նաև մտնել աշխատասենյակ անձնագիրը գողանալ, ես դրանում վստահ եմ: Ինչո՞ւ պետք է բոլոր փաստաղթերի մասին հայտարարվեր: Ես ձեզ ասում եմ՝ բազմաթիվ փաստաթղթեր, անձնական իրեր են գողացել:

Ես ընդհանրապես սխալ եմ համարում, որ հայտարարվեց, որ օծնելիք ու ժամացույց են գողացել, որովհետև շատ անձնական ու ոչ կարևոր բան է, պետք էր միայն քրգործով տալ: Ուղղակի պահը հուզական լինելով ասվել է, որ ինչքան մանր են եղել դրդապատճառները, որ գողացել են օծանելիք կամ հեռախոս»,- նշեց Սիմոնյանը:

Ալեն Սիմոնյանը ցնդաբանություն համարեց տարածվող այն լուրերը, թե ադրբեջանցիներին հայկական անձնագրեր են բաժավել. «Պայմանականորեն ընդունենք, որ անձնագրեր են բաժանվել ադրբեջանցիներին, դա ի՞նչ կապ ունի վարչապետի անձնագրի հետ: Կբացատրե՞ք պատճառահետևանքային կապը: Ի՞նչ կապ կա վարչապետի անձնագիրը և քրգործով անցնող Քյարամյանի և հայտարարության միջև, ըստ որի՝ ադրբեջանցիներին անձնագրեր են բաժանվել: Շահարկում է արվում: Ենթադրենք հազարավոր անձնագրեր են բաժանվել ադրբեջանցիներին, ի՞նչ կապ ունի վարչապետի անձնագիրը դրա հետ: Ո՞րն է այստեղ ինտրիգը»:

Մանրամասները՝ տեսանյութում: