18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Հայաստանի դպրոցներում այսօր էլ մոտ 7000 արցախցի երեխա է սովորում. փոխնախարար
Հասարակություն
25.01.2021 | 13:42
Ոլորտի բազմաթիվ խնդիրներին՝ կապված կորոնավիրուսի համաճարակի հետ, ավելացավ նաև պատերազմական իրավիճակը: Բացի համավարակի պայմաններում կրթության կազմակերպման խնդիրներից՝ որպես առաջնահերթություն ունեցանք նաև Արցախի Հանրապետության երեխաների համար կրթության շարունակականության ապահովման հարցը: Այսօր էլ Հայաստանի դպրոցներում ավելի քան 7000 արցախցի երեխա է սովորում: Այս մասին այսօր հրավիրված ասուլիսում ասաց ԿԳՄՍ նախարարի տեղակալ Ժաննա Անդրեասյանը: Ասուլիսի առիթը Կրթության միջազգային օրն էր:
Անդրեասյանի խոսքով՝ ոլորտի բարեփոխումներին են ուղղված «Կրթության մասին օրենքում» կատարված լրացումներն ու փոփոխությունները:
ԿԳՄՍ նախարարի տեղակալն առանձնացրեց երկու կարևոր կետ՝ Կրթության կառավարման տեղեկատվական համակարգի ներդրումը, որն ընդգրկում է կրթության բոլոր մակարդակները՝ մանկապարտեզից մինչև բարձրագույն կրթական հաստատություններ:
Ըստ փոխնախարարի՝ համակարգը հնարավորություն կտա ճշգրիտ հաշվառել և բացահայտել ուսումնական պրոցեսում չընդգրկված կամ դասերից հաճախ բացակայող երեխաներին, հավասար պայմաններ ստեղծել սովորողների համար:
Համակարգի ներդրմամբ հնարավորություն կստեղծվի փաստաթղթերի թվայնացման համար՝ թղթե ատեստատները կփոխարինվեն թվայիններով:
Անդրեասյանի խոսքով՝ կրթության ոլորտի կայացման երկրորդ և կարևոր պայմանը ֆինանսավորման կարգն է: Ըստ օրենքում կատարված փոփոխության՝ նախկինում սահմանված՝ մեկ սովորող թվով հաշվարկը փոխարինվում է առավել ճկուն սկզբունքով:
Մանրամասները՝ տեսանյութում:
