17.09.2026 | 15:19
ՌԴ-ն Սև ծովում հարվածել է Տանզանիայի դրոշի ներքո նավարկող նավին․ նավապետը զոհվել է
Մի զանգի հարց է. եթե Պուտինը զանգահարի Ալիևին, գերիների հարցը կլուծվի. Իգիթյան. ՏԵՍԱՆՅՈՒԹ
Քաղաքականություն
20.01.2021 | 16:17
«Հայերի հանդեպ քաղաքականության դրսևորումները չեն փոխվել: Բացի դրանից՝ Ադրբեջանը, տեսնելով Հայաստանում առաջացող դժգոհությունները, այդ հանգամանքն օգտագործում է ՀՀ ներքին քաղաքական իրավիճակի վրա ազդելու համար: Այս մասին լրագրողների հետ զրույցում ասաց ԱԺ «Իմ քայլը» խմբակցության պատգամավոր Հովհաննես Իգիթյանը՝ անդրադառնալով հարցին, թե ինչու հայտարարության 8-րդ կետը լիարժեք չի իրագործվում:
Իգիթյանի կարծիքով՝ տեսնելով, որ ընդդիմադիր գործիչների հայտարարություններում ռազմագերիներին չվերադարձնելու ամբողջ մեղքը դրվում է միայն Հայաստանի պաշտոնյաների վրա, Ադրբեջանը օգտագործում է այդ հանգամանքը:
«Դա ոչ միայն Հայաստանի, այլև Ռուսաստանի պարտավորությունն է: Գերիների վերադարձի օրակարգն ավելի մեծ հնարավորություն ունի ձևավորելու Ռուսաստանը: Իմ կարծիքով, դա մի կոշտ զանգի հարց է Պուտինից Ալիևին: Եթե Ռուսաստանի ուժը չի պատում, մենք պետք է օգնենք Ռուսաստանին՝ ունենալով նաև միջազգային աջակցություն այդ հարցում», – ասաց Իգիթյանը՝ հավելելով, որ այդ ուղղությամբ Հայաստանի իշխանությունն աշխատում է:
Պատգամավորը նաև ընդգծեց, որ Ադրբեջանի հետ դժվար է իրականացնել որևէ համատեղ ծրագիր՝ ունենալով այնպիսի ցավոտ հարց, ինչպիսին գերիների ու անհետ կորածների հարցն է:
«Ցանկացած տնտեսական համագործակցություն առաջին հերթին ենթադրում է վստահություն: Մինչև գերիների հարցը չլուծվի Ադրբեջանի հանդեպ Հայաստանի կողմից որևէ վստահություն չի կարող լինել»,-նշեց Իգիթյանը:
Մանրամասները՝ տեսանյութում:
