08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Ի՞նչ ենք անելու, եթե քաղաքացին տարբեր պատճառաբանություններով չի մշակում հողատարծքը․ Պապոյան. ՏԵՍԱՆՅՈՒԹ
Քաղաքականություն
20.01.2021 | 13:30
Ազգային ժողովում քննարկվում է Հողային օրենսգրքում փոփոխություն կատարելու մասին հարցը:
«Հայաստանում 445 հազար հա վարելահողից չի մշակվում 48.8 տոկոսը: Սա խնդիր է»,- այս մասին ասաց «Իմ քայլը» խմբակցության պատգամավոր Գևորգ Պապոյանը՝ դիմելով էկոնոմիկայի փոխնախարարին:
«Սեփականության իրավունքին որևէ մեկը չի կարող կպչել, և այդ սեփականատերը կարող է շարունակել չմշակել իր հողը: Մենք պետք է հանրությանը բացատրենք, թե ինչ կարող է լինել այդ մարդկանց հետ: Ի՞նչ ենք անելու, եթե քաղաքացին տարբեր պատճառաբանություններով չի մշակում հողատարծքը»,- հարցրեց Գևորգ Պապոյանը:
Ի պատասխան փոխնախարարն ասաց, որ նախագիծը ոչ մի կերպ չի առնչվում սեփականության իրավունքին: Նա նաև հավելեց, որ առաջին հերթին պետք է հողերը դարձնել ոռոգելի՝ դրանով օգնելով հողատերերին:
Մանրամասները՝ տեսանյութում:
