14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Մենք շարունակո՞ւմ ենք մնալ Արցախի անվտանգության երաշխավոր, թե՞ ոչ․ որևէ մեկը չի հայտարարել․ Բաբաջանյան. ՏԵՍԱՆՅՈՒԹ
Քաղաքականություն
20.01.2021 | 12:58
Ազգային ժողովի հերթական նիստում մտքերի փոխանակման ժամին անկախ պատգամավոր Արման Բաբաջանյանն անդադարձավ այն իրողություններին, որոնք, իր խոսքով, գուցե շատ ավելի կարևոր են, քան քննարկվող հարցերը:
«Նախօրեին Ստեփանակերտում՝ քաղաքի մուտքից մինչև եղբայրական գերեզման տանող ճանապարհին, հայկական դրոշները փոխարինվել են ռուսականով: Սրան նախորդել էր ՌԴ ԱԳ նախարար Ս. Լավրովի ասուլիսը, որում պարզվեց, որ պատերազմի պատասխանատուն հայկական կողմն է, և պարզվեց նաև, որ Ռուսաստանը պատրաստ չէ ճանաչել Արցախի կարգավիճակը, և այդ հարցը փոխանցում է ԵԱՀԿ Մինսկի խմբի հարթություն: Եվ Հայաստանը շարունակում է դրսից սպասել պատասխաններ, որոնք հստակեցման կարիք ունեն:
Կարծում եմ, որ ԱԺ-ն անելիք ունի և բանաձևով պետք է իր պատկերացումը ներկայացնի Արցախի կարգավիճակի վերաբերյալ. մենք շարունակո՞ւմ ենք արդյոք մնալ Արցախի անվտանգության երաշխավոր, թե՞ ոչ»,- նշեց Բաբաջանյանը:
Պատգամավորը հարցեր բարձրացրեց` ի՞նչ կարգավիճակում են մարդիկ շարունակելու ապրել Արցախում, ի՞նչ անձնագրեր են ունենալու, ո՞վ է ապահովելու սեփականության և ներդրումների անձեռնմխելիությունը: «Մենք չենք կարող այս կարևոր հարցերի մասին պատասխան չունենալ: Հայաստանը պատրա՞ստ է քաղաքական պատասխանատվություն ստանձնել Արցախի համար, մեր խիզախ նահատակների հիշատակի համար»,- նշեց պատգամավորը:
Մանրամասները՝ տեսանյութում:
