03.11.2026 | 12:03
Ռուբինյանը Մեքսիկայի դեսպանի հետ քննարկել է երկկողմ համագործակցության ընդլայնման հարցեր
Հանձնաժողովը գնահատական կտա, թե կորոնավիրուսի դեմ պայքարը որ մասերով է տապալվել. Արկադի Խաչատրյան. ՏԵՍԱՆՅՈՒԹ
Քաղաքականություն
20.01.2021 | 12:05
Տնտեսական ճգնաժամը բավականին խորն է, այն պայմանավորված է ինչպես կորոնավիրուսով, այնպես էլ հետպատերազմյան իրավիճակով։ Այս մասին ԱԺ-ում լրագրողների հետ ճեպազրույցում ասաց «Լուսավոր Հայաստան» խմբակցության պատգամավոր, կորոնավիրուսի դեմ պայքարի միջոցառումների արդյունավետության գնահատման հանձնաժողովի նախագահ Արկադի Խաչատրյանը։
«Պետության համար սոցիալական բեռը մեծացել է, և դա է պատճառը, որ մենք պնդում ենք, որ 2021-ի բյուջեն պետք է վերանայվի, ներկայացվի նոր նախագիծ, դրա համար էլ 2021-ի բյուջեին դեմ քվեարկեցինք: Մարտահրավերները շատ են, իսկ լուծումը երկրի նոր անվտանգային ռազմավարության մշակման մեջ պետք է լինի, որը կնախատեսի ինչպես ՀՀ պաշտպանական, այնպես էլ տնտեսական, սոցիալական ռազմավարությունը»,- նշեց պատգամավորը:
Անդրադառնալով կորոնավիրուսի դեմ պայքարի միջոցառումների արդյունավետության գնահատման հանձնաժողովի աշխատանքներին՝ Խաչատրյանն ընդգծեց, որ շատ կարևոր է, թե ինչպիսի հաղորդակցություն է եղել հանրության հետ՝ զգոնություն ձևավորելու համար:
«Հանրության մոտ կան բազմաթիվ հարցեր՝ կապված կորոնվիրուսի դեմ պայքարի արդյունավետության հետ։ Պետք է պարզել՝ արդյո՞ք հանրային հաղորդակցությունը պատշաճ է իրականացվել, և մարդիկ ընկալել են խնդրի լրջությունն ու բարդությունը»,- ասաց Խաչատրյանը:
Նրա խոսքով՝ այդ է պատճառը, որ ընդդիմադիր խմբակցությունը նախաձեռնել է հանձնաժողովի ստեղծումը: «Հարյուրավոր հարցեր կան՝ կապված համավարակի տարածման, կանխարգելման և բուժման արդյունավետության, մարդու իրավունքների սահմանափակման, հետևանքների վերացմանը կամ մեղմանն ուղված գործողությունների արդյունավետության հետ։
Եթե որևէ որոշում կարելի էր կայացնել ավելի շուտ, միգուցե չունենայինք այդ ծավալները։ Ուսումնասիրության առարկա պետք է դառնան այն հարցերը, թե որ դեպքերում մենք կարող էինք ավելի արդյունավետ գործել, և առհասարակ ինչպիսի խնդիրների է բախվել առողջապահության համակարգը»,- նշեց Խաչատրյանը։
