02.11.2026 | 11:35
ՌԴ-ում և Ուկրաինայում հաքերները կոտրել են օդային տագնապի, արտակարգ իրավիճակների մասին ծանուցման հավելվածները
Վազգեն Մանուկյանն այս խորհրդարանում շանսեր չունի. Անի Սամսոնյան. ՏԵՍԱՆՅՈՒԹ
Քաղաքականություն
15.01.2021 | 18:02
Իշխանության և խորհրդարանական ընդդիմության օրակարգերը շատ տարբեր են. ընդդիմության օարակագը վարչապետի հրաժարականն է: Այս մասին Factor.TV-ի հետ զրույցում ասաց «Լուսավոր Հայաստան» խմբակցության պատգամավոր Անի Սամսոնյանը:
«Մենք կարծում ենք, որ եթե առաջիկայում լինեն արտահերթ ընտրություններ, դրանք չեն կարող լինել արդար և ժողովրդավարական, այլ լինելու են ատելության մթնոլորտում, մարդիկ չեն գնալու ընտրատեղամասեր, որովհետև կա ընդհանուր հիասթափության մթնոլորտ քաղաքական գործընթացներից և քաղաքական ուժերից, և միգուցե կլինեն մարդիկ, որոնք կստիպեն գնալ և քվերակել որևէ թեկնածու օգտին, գիտեք, թե ինչքան զենք կա քաղաքում, ինչ շարժ կա քաղաքում, և այս ամենը կնպաստի, որ ունենանք հնարավորինս վատ ընտրություններ»,- նշեց ԼՀԿ պատգամավորը:
Անդրադառնալով հարցին, թե արդյոք «Իմ քայլում» կգտնվեն պատգամավորներ, որոնք կքվեարկեն Էդմոն Մարուքյանի օգտին, Սամսոնյանը նշեց, որ քաղաքականության մեջ ոչինչ չի բացառվում:
Հարցին, թե արդյոք հնարավոր է ինչ-որ փուլում աջակցեն Վազգեն Մանուկյանին՝ Անի Սամսոնյանը պատասխանեց. «Իմ կարծիքով՝ Վազգեն Մանուկյանը այս խորհրդարանում շանսեր չունի վարչապետ ընտրվելու»:
Մանրամասները՝ տեսանյութում:
