24.04.2026 | 23:32
Կապանում ջրանջատում կլինի
Իմ ազատման պատճառը Արտակ Դավթյանի որդու հարսանիքին մասնակցելը չէր. նախկին ոստիկանապետ. ՏԵՍԱՆՅՈՒԹ
Քաղաքականություն
15.01.2021 | 14:02
«Ինձ համար սկզբունք չէր, որ եթե ես եղել եմ ոստիկանապետ, ապա հետո չեմ կարող լինել երկրորդ կամ երրորդ դեմք: Ինձ համար մեծ պատիվ է հետպատերազմյան իրավիճակում ծառայել Պաշտպանության նախարարությունում և իմ լուման ներդնել Հայրենիքի պաշտպանության և անվտանգության գործում»,- Այդ մասին ԱԺ-ում լրագրողների հետ ճեպազրույցում ասաց Պաշտպանության նախարարի տեղակալ, նախկին ոստիկանապետ Արման Սարգսյանը:
Խոսելով ոստիկանության պետի պաշտոնից ազատվելու պատճառների մասին՝ Սարգսյանը նշեց, որ իրեն աշխատանքից ազատման պատճառը Արտակ Դավթյանի որդու հարսանիքին մասնակցելը չէր:
«Միգուցե ինչ-որ խնդիրներ լավ չեմ լուծել, կարող եմ ենթադրել՝ կորոնավիրուսի հետ կապված: Ոստիկանությունն ամեն ինչ արել է, որպեսզի համաճարակի հետ կապված խնդիրները լուծվեն. ինչքանով է հաջողվել՝ գնահատականը պետք է հասարակությունը տա: Իմ պաշտոնավարման ժամանակ մամուլում եղել են հրապարակումներ, որոնցում բացակայել են իրականության հիմքերը, բայց ես վստահաբար կարող եմ ասել, որ մեծ ներդրում եմ ունեցել ոստիկանությունում և ՊՆ-ում ամեն ինչ անելու եմ պետությանն օգուտ տալու համար»,- ընդգծեց փոխնախարարը:
Մանրամասները՝ տեսանյութում:
