16.01.2025 | 10:27
Վլադիմիր Գասպարյանի թիկնազորի նախկին պետ Արշակ Հակոբյանն արդարացվել է․ Դատախազությունը բողոք կներկայացնի
«Տեղեկություն չունեմ». Արման Աբովյանը՝ Խաչատուր Սուքիասյանի միջնորդությամբ Ջհանգիրյանին կողմ քվեարկելու մասին. ՏԵՍԱՆՅՈՒԹ
Քաղաքականություն
14.01.2021 | 17:32
«Մեր խմբակցության պատգամավորները գտնվում էին մարզերում՝ պատգամավորական այցերով, դրանով է պայմանավորված, որ ԲԴԽ անդամի թեկնածու Գագիկ Ջհանգիրյանի և ԲՀԿ խմբակցության հետ հանդիպում չի կայացել, խնդիրը զուտ տեխնիկական է»,- այս մասին այսօր խորհրդարանում լրագրողների հետ զրույցում ասաց ԲՀԿ խմբակցության քարտուղար Արման Աբովյանը՝ հավելելով, որ դեռևս ոչ մի կարծիք չի հայտնի, մինչև նրա հետ հանդիպում չկայանա և մինչև խմբակցությունում քննարկում չլինի:
Անդրադառնալով դիտարկմանը, որ մամուլում շրջանառվում են լուրեր այն մասին, որ Խաչատուր Սուքիասյանի միջնորդությամբ Գագիկ Ծառուկյանը կհրահանգի և Գագիկ Ջհանգիրյանի թեկնածությանը ԲՀԿ-ն կողմ կքվեարկի՝ հաշվի առնելով խնամիական կապերը՝ Աբովյանը նշեց. «Մամուլում շատ բան կարող է գրվել, կոչ եմ անում հենվել միայն մեր կողմից տրված պաշտոնական տեղեկատվության վրա և չհավատալ ասեկոսեներին, որոնք գեներացվում են՝ հնարավոր է «լայքերի» համար: Ես նման տեղեկություն չունեմ. մի՛ հավատացեք այդ տեղեկությանը»:
Աբովյանը չցանկացավ պատասխանել հարցին՝ Գագիկ Ջհանգիրյանը նախկի՞ն պաշտոնյա է, ներկա, թե ապագա՝ նշելով, որ չի ցանկանում բորբոքել ներքաղաքական կրքերը:
Մանրամասները՝ տեսանյութում:
