18.12.2025 | 19:26
Պապիկյանը ՆԱՏՕ-ի գլխավոր քարտուղարի տեղակալի հետ քննարկել է գործընկերության ընթացքը և զարգացման հեռանկարները
Հարցերին հիմնականում սպառիչ պատասխաններ տրվեցին. Սամսոնյանը՝ Ջհանգիրյանի հետ հանդիպման մասին. ՏԵՍԱՆՅՈՒԹ
Քաղաքականություն
14.01.2021 | 13:31
«Հանդիպումն անցավ կառուցողական հարցուպատասխանի մթնոլորտում: Բարձրաձայնել ենք մեզ մտահոգող բոլոր հարցերը: Հարցերին տրվել են հիմնականում սպառիչ և անկեղծ պատասխաններ»,- այս մասին այսօր «Իմ քայլի» կողմից ԲԴԽ անդամի թեկնածու առաջադրված Գագիկ Ջհանգիրյանի հետ «Լուսավոր Հայաստան» խմբակցության հանդիպումից հետո լրագրողներին ասաց խմբակցության պատգամավոր Անի Սամսոնյ«Բնականաբար, խմբակցության անդամները կունենան տարբեր մոտեցումներ թեկնածության վերաբերյալ, բայց քանի որ այսօրվա հանդիպմանը խմբակցության ոչ բոլոր անդամներն էին ներկա, հարցը լրացուցիչ պետք է քննարկենք, թե ինչ որոշում ենք կայացնելու Գագիկ Ջհանգիրյանի առնչությամբ»,-նշեցՍամսոնյանը:
Նա նաև հավելեց, որ խմբակցությունը սեփական թեկնածու առաջադրելու վերաբերյալ որոշում չունի. «Բայց չենք բացառում»:
Անդրադառնալով ԲԴԽ նախագահ Ռուբեն Վարդազարյանի և իրավաբանների հանրության ներկայացուցիչների այն հայտարարություններին, որ Ջհանգիրյանի տարիքային շեմը հատել է՝ ԲԴԽ անդամի պաշտոնում առաջադրվելու համար, Անի Սամսոնյանը տեղեկացրեց, որ այդ մտահոգության մասին ևս խոսել են Գագիկ Ջհանգիրյանի հետ. «Նա մեջբերել է օրենքի այն հոդվածները, ըստ որոնց՝ ըստ էության, իր առաջադրման հետ կապված խնդիր չկա: Հարցը քննարկել ենք նաև մեր խմբակցության իրավաբանների հետ և եզրակացրել, որ օրենքի մեկնաբանության խնդիր կա: Մենք նրա լեգիտիմությունը կասկածի տակ չենք դնում, որովհետև օրենքի մեկնաբանման հարց կա, կոշտ սահմանափակումներ չկան»:
Մանրամասները՝ տեսանյութում:
