08.10.2026 | 16:21
Հայտնի է՝ ինչու է Արթուր Ալեքսանյանը բաց թողնելու աշխարհի առաջնությունը
Իմ սրտով լրիվ ուրիշ բան էր. Ջհանգիրյանը՝ պաշտոն ստանալու և խախտումով ԲԴԽ անդամ առաջադրվելու մասին. ՏԵՍԱՆՅՈՒԹ
Քաղաքականություն
13.01.2021 | 13:54
«Ինձ ամեն ինչ նշանակել էին՝ ՍԴ նախագահ, դատախազ, նույնիսկ մարզպետ»,- անդրադառնալով իր շուրջ շրջանառվող խոսակցություններին՝ այս մասին այսօր ԱԺ-ում լրագրողների հետ զրույցում ասաց ՀՀ նախկին զինդատախազ Գագիկ Ջհանգիրյանը, ում թեկնածությունն այժմ քննարկվում է Բարձրագույն դատական խորհրդի անդամի թափուր պաշտոնում:
Անդրադառնալով հարցին, թե որ պաշտոնն էր իր սրտով, Ջհանգիրյանը պատասխանեց. «Իմսրտով լրիվ ուրիշ բան էր»:
Անդրադառնալով դիտարկմանը, թե Նիկոլ Փաշինյանը հայտարարել էր, որ Ջհանգիրյանը երազում է գլխավոր դատախազ դառնալ, Ջհանգիրյանն արձագանքեց. «Նիկոլ Փաշինյանն է ասե՞լ, չգիտեմ։ Ես գիտեմ, որ Նիկոլ Փաշինյանը դեռևս անազատության մեջ մի հոդված է գրել, որտեղ հայտարարում էր, թե ինքը գտել է Հանրապետության գլխավոր դատախազի թեկնածուին՝ հանձին Գագիկ Ջհանգիրյանի»։
«Ես տվել եմ համաձայնությունը ԲԴԽ իրավաբան-անդամ առաջադվելուն. իմ որոշումը դա է»,- ընդգծեց Ջհանգիրյանը:
Անդրադառնալով ԲԴԽ նախագահի հայտարարությանը, որ տարիքային շեմ է նախատեսված, Ջհանգիրյանը պատասխանեց, որ ինքը խախտումով չի առաջդրվում ԲԴԽ անդամ. «Լավ չեն ուսումնասիրել Դատական օրենսգիրքը, թող նայեն հատկապես 186-րդ հոդվածը… Իրավաբան գիտնականների համար տարիքային առավելագույն սահման նախատեսված չէ»:
Մանրամասները՝ տեսանյութում:
