11.09.2026 | 16:50
ՀԷՑ-ի մասով մի անհանգստացեք. ՀէՑ-ը կվերադառնա իր օրինական տիրոջը. Սամվել Կարապետյան. ՏԵՍԱՆՅՈՒԹ
Ո՞վ պետք է արյունահեղություն անի․ «Իմ քայլի», թե՞ իրենց ընտրողները․Արման Եղոյանը՝ Վազգեն Մանուկյանին. ՏԵՍԱՆՅՈՒԹ
Քաղաքականություն
28.12.2020 | 17:14
Ազգային ժողովի արտահերթ նիստում «Իմ քայլը» խմբակցության պատգամավոր Արման Եղոյանը հայտարարեց, որ 16-ի վարչապետի միասնական թեկնածու Վազգեն Մանուկյանը շատ անկեղծ, բայց և շատ վտանգավոր միտք է հայտնել`ասելով, որ եթե արտահերթ ընտրություններ լինեն, արյունահեղություն է լինելու ամեն քվեատուփի մոտ:
«Սա բացահայտ սադրանք է ՀՀ ներքին կայունության դեմ: Ուզում եմ հիշեցնել, որ սա 96 թվականը չէ, երբ արյունահեղություն էր լինում ԱԺ-ում, սա 2008թ. չէ, որ արյունահեղություն եղավ հրապարակում, սա նույնիսկ 2020թ. նոյեմբերի 9-ը չէ, որ էլի արյունահեղություն լինի ԱԺ նախագահի դեմ: Ո՞վ պիտի անի այդ արյունահեղությունը, ի՞նչ արյունահեղության մասին է խոսքը,«Իմ քայլի» ընտրողները պետք է անե՞ն, թե իրենց ընտրողները, թե՞ փողոցային թափթփուկնե՞րը, որ ընտրությունից ընտրություն սադրանքներ էին անում ընտրատեղամասերում… Ում են վախեցնում, սա պետական այրի կո՞չ է»:
Նա ժողովրդին կոչ արեց պահպանել ներքին հանդարտությունը. «Խորհրդարանական ընդդիմությանը կոչ եմ անում գալ կառուցողական դաշտ և մասնակցել քննարկումների: Հայաստանում իշխանություն և վարչապետ ընտրելու այլ ճանապարհ, քան ընտրություններն են, չկա: Այս հրապարակում վախեցող չկա, դավաճան չկա»:
Մանրամասները՝ տեսանյութում:
