12.01.2025 | 14:16
Առաջիկա օրերին օդի ջերմաստիճանն էապես չի փոխվի
Մեղրին ունենալու է այլ կարգավիճակ, փակագծերը չեմ կարող բացել․ Նաիրա Զոհրաբյանն առաջարկում է համազգային ստորագրահավաք սկսել
Քաղաքականություն
25.12.2020 | 16:11
Վերջին օրերին մեր բառապաշարից դուրս է մնացել Արցախը, կարծես թե բոլորն ընդունել են, որ Արցախը չկա, Նիկոլ Փաշինյանն այն հանձնել է: ԱԺ աշխատանքային քննարկման ժամանակ հայտարարեց Սյունիքից ռեյտինգային կարգով ընտրված «Բարգավաճ Հայաստան» խմբակցության պատգամավոր Նաիրա Զոհրաբյանը:
«Այսօր այս քննարկմանը չկան կառավարության ներկայացուցիչները, «Իմ քայլը» խմբակցության ներկայացոիցիչները, իսկ դա նշանակում է, որ նրանք թքած ունեն, թե ինչ է այսօր կատարվում Սյունիքում»,- հայտարարեց պատգամավորը՝ հավելելով, որ Կապանի հարակից 13 գյուղերի անվտանգությունը խաթարված է:
Զոհրաբյանի խոսքով՝ Նիկոլ Փաշինյանը և պաշտպանության նախարարը ստում էին, երբ ասում էին, թե Սյունիքի անվտանգությանը ոչինչ չի սպառնում: Սյունիքից ընտրված պատգամավոր Կարեն Համբարձումյանն էլ Որոտանը չի համարում հայկական տարածք:
Զոհրաբյանը նշեց, որ զանգել է ԳԱԱ, զրուցել մասնագետների հետ և բոլորը միաբերան ասել են, որ GPS-ով հնարավոր չէ սահմաններ ճշգրտել, պետք է գեոդեզիստներ ներգրավել:
«Նիկոլ Փաշինյանին ո՞վ է լիազորություն տվել ճշգրտել մեր սահմաններն այն քարտեզով, որը ձեռնտու է ադրբեջանական կլանին, սա պետության և պետականության հանձնում է»,- հայտնեց Զոհրաբյանը և նկատեց, որ ինչ հարց բարձրացնում են՝ Նիկոլ Փաշինյանն առաջնագիծ է հանում իր ֆեյքերի գունդը և սկսում է կոտորած՝ պատգամավորների, քաղաքապետերի նկատմամբ քրեական գործեր է հարուցում ադեկվատ հարցեր տալու համար:
«Ես վստահ եմ, որ նոյեմբերի 9-ի սև թղթից բացի կա նաև հավելված, որի մեջ մտնում է այս ամենի հանձնումը»,- հայտնեց նաիրա Զոհրաբյանը և շեշտեց, որ վաղն առաջանալու է Սևանի ավազանի և Մեղրիի խնդիրը, Մեղրին էլ վաղը ունենալու է այլ կարգավիճակ, որի մասին ինքը գիտի, բայց չի խոսելու այդ մասին:
Մանրամասները՝ տեսանյութում:
