09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Ինչու էր Իշխան Սաղաթելյանը հրավիրվել Ոստիկանության քրեական հետախուզության գլխավոր վարչություն
Քաղաքականություն
25.12.2020 | 15:46
ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանին այսօր կրկին հրավիրել էին հարցաքննության, այս անգամ՝ ՀՀ ոստիկանության քրեական հետախուզության գլխավոր վարչություն:
Սաղաթելյանը Ոստիկանության շենքից դուրս գալուց հետո լրագրողների հետ ճեպազրույցում հայտարարեց, որ «ավանդույթ» է դարձել՝ իր ամեն ելույթից հետո բացատրության կանչելը։
«Այս անգամ պատճառը ՀՔԾ-ի դիմաց իմ ելույթն էր։ Որևէ պարզաբանում չեմ տվել, որևէ բացատրություն չեմ տվել, որովհետև ինչ ասել եմ, ճիշտ եմ ասել։ Սա քաղաքական պայքար է, և նման մեթոդներով որևէ մեկը մեզ չի կարող լռեցնել»,- հայտարարեց նա։
Անդրադառնալով կարծիքներին, թե պայքարը կարող է մարել, Սաղաթելյանն ասաց․ «Պայքարը ավելի է թեժանալու, որովհետև որևէ մեկը չի կարող հանդուրժել չարիքի իշխանությանը»։
Հիշեցնենք, որ դեկտեմբերի 14-ի երթի ժամանակ ընդդիմադիրները կանգ առան ՀՔԾ շենքի դիմաց, որտեղ Իշխան Սաղաթելյանը, դիմելով ՀՔԾ պետին, ասաց․ «ՀՔԾ պետ Սասուն Խաչատրյան, կոչ ենք անում շարժվել օրենքով և չկատարել հրահանգներ, հակառակ դեպքում մյուս անգամ քեզ այցելության կգանք այլ մեթոդներով»։
Լիլիթ Շաբոյան
