25.04.2026 | 16:31
Ես դատում եմ և պատրաստ եմ այդ նույն դատով դատվել․ Փաշինյանը՝ քաղաքացուն․ ՏԵՍԱՆՅՈւԹ
Ադրբեջանի մոտեցումը ճնշում գործադրելն է, ինչպես եղել է մինչ այժմ․ Ալեքսանդր Իսկանդարյան. ՏԵՍԱՆՅՈՒԹ
Քաղաքականություն
18.12.2020 | 12:24
Նոյեմբերի 9-ի ստորագրված փաստաթուղթը ճիշտ չի մեկնաբանվում, այդ թվում նաև Հայաստանում. սա խաղաղության փաստաթուղթ չէ, սա պատերազմի դադարեցման, հրադադարի փաստաթուղթ է: Սա նույնիսկ Ղարաբաղյան կոնֆլիկտի կարգավորման փաստաթուղթ չէ. կարգավիճակի մասին ոչ մի խոսք չկա: Հասկանալի է, որ այս փաստաթուղթը ստորագրվել է ճգնաժամային իրավիճակում և դժվար է ակնկալել, որ այս փաստաթղթով, բացի կրակի դադարեցումից, նաև կկարգավորվի այն հակամարտությունը, որը հնարավոր չի եղել կարգավորել նախորդ 30 տարիներին: Այս մասին «Արցախյան ճակատ. ինչո՞ւ է փորձության ենթարկվում նոյեմբերի 9-ի եռակողմ հայտարարությունը» թեմայով քննարկման ժամանակ ասաց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
Այս փաստաթուղթը ստորագրվել է այն տրամաբանությամբ, որ պատերազմական գործողությունները դադարեցվեն, իսկ հետո կսկսենք գործընթաց, որի արդյունքում ինչ-որ բան կստացվի: Չեմ կարծում, արագ ինչ-որ բան կլուծվի, որովհետև այս կոնֆլիկտը բարդ է լուծելը, իսկ Ադրբեջանը երկրորդ արցախյան պատերազմից հետո ցանկություն չունի ինչ-որ զիջումների գնալ, մանավանդ որ մինչ այդ էլ կողմ չի եղել փոխզիջումների միջոցով հակամարտության կարգավորմանը»,- նշեց քաղաքագետը:
Նրա դիտարկմամբ՝ Ադրբեջանի մոտեցումը ճնշում գործադրելն է, ինչպես եղել է մինչ այժմ:
Մանրամասները՝ տեսանյութում:
