17.09.2026 | 20:13
Փաշինյանն ընդունել է Բրազիլի դեսպանին
Ռուսական դրոշներ, ադրբեջանական ուրալներ, դատարկված գյուղեր․ Հայաստանը Արցախին միացնող ճանապարհը. ՏԵՍԱՆՅՈՒԹ
Քաղաքականություն
18.12.2020 | 11:29
Հայաստանը Արցախին կապող միակ ճանապարհին, մինչ Արցախ մտնելը՝ Սյունիքի Տող գյուղից մի քանի կիլոմետր հեռու, առաջին ռուսական դրոշն է ծածանվում, ևս մի քանի կիլոմետրից առաջին անցակետն է, այս անգամ՝ հայկական դրոշ ու հայ զինվորականներ։ Սա՝ մինչև Արցախ մտնելը։
Արցախում բոլոր անցակետերում արդեն Factor TV-ի նկարահանող խմբին բարևում են ռուս խաղաղապահները, Լաչինի և Շուշիի մատույցներում գտնվող անցակետերում, բացի խաղաղապահներից, նաև ադրբեջանցի զինվորներ կան՝ ուրալներով ու փիքափներով։
Անցակետերում ռուս խաղաղապահները զգուշացնում են՝ նկարահանել չի կարելի։ Տեսախցիկով նկարահանած կադրերը պետք է ջնջել, մնում են հեռախոսով արձանագրած կադրերը։
Անցակետերում շատ հարցեր չեն տալիս․ ճշտում են մեքենայում մարդկանց քանակը և ուղղությունը։
Հայաստանն Արցախին միացնող ճանապարհին մեքենաները քիչ են՝ և՛ Արցախ գնացող, և՛ Արցախից վերադարձող։ Կիլոմետրերով անցնում ես, իսկ ճանապարհին՝ ոչ մի մեքենա, ոչ մի մարդկային շունչ․ ճանապարհի կողքերին գտնվող գյուղերը դատարկված են։
Ստեփանակերտի մատույցներով նաև ադրբեջանական մեքենաներ են անցնում՝ Կարմիր շուկայից դեպի Շուշի ուղղությամբ։
Մանրամասները՝ տեսանյութում։
Իրինա Մկրտչյան
