14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Բոլորս ենք մեղավոր Ալեն Սիմոնյանը՝ ստեղծված իրավիճակի մասին․ ՏԵՍԱՆՅՈՒԹ
Քաղաքականություն
17.12.2020 | 16:56
Այն ամենը, ինչը որ այսօր տարածվում է լրատվամիջոցներով, խելագարության կանխավարկածից է: Այս մասին լրագրողների հետ զրույցում ասաց ԱԺ փոխխոսնակ Ալեն Սիմոնյանը:
«Մարդկանց գժվացնելու համար ինչ սուտ, հիմար, իրականությունից կտրված, մի բառի վրա հիմնված ենթադրություն ասես հրապարակվում է, միայն թե մարդկանց ջղայնացնեն: Դրա համար մենք պետք է մտածենք լրատվական դաշտը այնպիսին լինի, որ լրագրողի, պատգամավորի նկատմամբ հարգանքը բարձրանա, խոսքի արժեքը վերականգնվի»,- նշեց ԱԺ փոխխոսնակը:
«Մենք՝ բոլորս այնքան սխալներ ենք արել այս ժամանակահատվածում, որի համար վճարում ենք հիմա: Մենք պետք է գիտակցենք, որ բոլոր այն կամուրջները, որոնք միտումնավոր կամ հանկարծակի քանդել ենք Հայաստանի ներսում, հիմա պետք է սկսենք կամուրջներ գցել, պիտի սկսենք իրար հետ խոսել»,- աաց Սիմոնյանը՝ հավելելով, որ եթե այդքան եռանդ կար իրար ոչնչացնելու, այդ եռանդը պատերազմի 44 օրը պետք է լցվեր ադրբեջանցու վրա:
«Մենք պետք է սկսենք կամուրջներ կառուցել՝ գիտակցելով, վերաիմաստավորելով բոլոր սխալները,- նշեց Սիմոնյանը՝ հավելելով, որ պատրաստ է կամուրջ կառուցել բոլոր այն մարդկանց հետ, որոնք ՀՀ ապագայով հետաքրքրված են և իրենց անձնական շահն ու նեղացածությունը ՀՀ ընդհանրական շահի համար մի կողմ կդնեն:
«Բոլորս մեղավոր ենք, բայց ավելի հեշտ է ասել՝ այ այս մարդն է մեղավոր, մենք ոչ մի բան չենք արել… Այն, ինչ ասում է իշխանությունը, ժողովուրդը հասկանում է»,- եզրափակեց Սիմոնյանը:
Մանրամասները՝ տեսանյութում:
