19.01.2026 | 16:35
Էրդողանը զրուցել է Սիրիայի նախագահի հետ՝ քրդական ուժերի հետ գործարքից հետո
Իշխանությունների ցանկությունը մարդկանց լռեցնելն է․ Վարդան Այվազյանը իր դեմ հարուցված քրեական գործը քաղաքական պատվեր է համարում
Քաղաքականություն
17.12.2020 | 16:46
ԱԺ նախկին պատգամավոր, ՀՀԿ-ական Վարդան Այվազյանն իր դեմ օրերս հարուցված քրեական գործը քաղաքական պատվեր է համարում։
«Բոլորի համար հասկանալի է, որ քաղաքական պատվերի շրջանակում այսօրվա դրությամբ իրականացվում է բոլորի վրա ՀՀ գործադիր և օրենսդիր մարմինների ֆունկցիաների իրականացման փորձ։ Ցավում եմ, որ մեր իրավապահ համակարգի որոշակի ներկայացուցիչներ նմանատիպ հոդվածներով խեղել են իրավական դաշտը, անգամ զավեշտի է վերածվում»,- այսօր հրավիրված ասուլիսում ասաց Այվազյանը։
Անդրադառնալով խուզարկությանը՝ նա նշեց, որ խուզարկություն է իրականացվել ոչ միայն իր տանը, այլև որդու և դստեր բնակարաններում․ «Իմ, որդուս, աղջկաս բնակարանը խուզարկեցին, փաստաթուղթ էին ման գալիս, Չարենցավանում մեր հավաքատեղը, օֆիսը, բոլոր տեղերում»։
Ըստ Այվազյանի՝ իշխանությունների ցանկությունը մարդկանց լռեցնելն է․ «Երևի բոլոր գործողություն իրականացնող մարդկանց, որոնք որոշակի ճանաչում ունեն, հրապարակային լավ կամ վատ ծանոթ են, փորձում են այդ ճանապարհով լռեցնել նրանց։ Իմ ընկեր Վահրամ Բաղդասարյանին, Վանեցյանին մահափորձի մեջ են մեղադրում, ինձ ասում են՝ կազմակերպել ես նոյեմբերի 9-10-ի գիշերվա ամբողջ հանրահավաքը։ Մարդիկ, որ կարող է ինձ տեսնելիս ճանապարհը փոխել, այդ վրդովմունքից գնացել են Ազգային ժողով, հրապարակ․․․ դուրս է գալիս՝ իրենք խաբար չեն, ես եմ կազմակերպել, նախօրոք պլանավորել եմ»,- ասաց Վարդան Այվազյանը։
