07.06.2026 | 09:36
Վաղարշապատի ընտրատեղամասում քվեարկում են նաև զինծառայողները
Մոտավոր 500 հոգի է վարչապետի հրաժարականը պահանջում. Լոռու նորանշանակ մարզպետ. ՏԵՍԱՆՅՈՒԹ
Քաղաքականություն
17.12.2020 | 13:09
«Լոռիում վարչապետի հրաժարականը շատ քիչ թվով մարդ է պահանջում,-լրագրողների հետ զրույցում այս մասին ասաց Լոռու նորանշանակ մարզպետ Արամ Խաչատրյանը:
«Ձեր հարցից այնպիսի տպավորություն է, թե ամբողջ Լոռու մարզն է պահանջում, բայց նման բան գոյություն չունի։ Վարչապետի հրաժարականը պահանջողները մոտավորապես 15-20 հոգի են, տեսախցիկներով պարզ ֆիքսել եմ»,- ասաց մարզպետը:
Հարցին, թե Երևանում քանի՞ հոգի է պահանջում վարչապետի հրաժարականը, մարզպետը պատասխանեց. «Մոտավոր 500 հոգի մարդ են»։
«Ժողովրդի մեծամասնությունն այսօր աջակցում է վարչապետ Նիկոլ Փաշինյանին, դա ակնհայտ երևում է,- նշեց մարզպետը: -Կսպասենք հերթական ընտրություններին, 2023 թվականին ժողովուրդն իր կարծիքը կարտահայտի ընտրությունների միջոցով»: Խաչատրյանի խոսքով՝ իրենց օրակարգում արտահերթ ընտրությունների հարց չկա:
Հարցին՝ անընդհատ ասվում է, որ ժողովուրդը վարչապետին վստահում է, իսկ մարդիկ, ովքեր պահանջում են Նիկոլ Փաշինյանի հրաժարականը, ժողովուրդ չե՞ն, նա պատասխանեց. «Ես շատ մեծ հարգանքով եմ վերաբերվում այդ մարդկանց, դա իրենց իրավունքն է արտահայտվելու, քննադատելու, բայց դա ժողովրդի մեծամասնությունը չէ»:
Մարզպետը նաև նշեց, որ սիրողական մակարդակով խոսակցություններ է լսել, որ Նիկոլ Փաշինյանի հրաժարականի պահանջով ցույցերին մարդկիկ գումարով են գալիս, սակայն փաստեր չունի:
Մանրամասները՝ տեսանյութում:
