14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Իշխանությունը լրջագույն սխալներ է արել, որոնց չլինելու դեպքում ավելի քիչ խնդիրներ կունենայինք. Դանիել Իոաննիսյան. ՏԵՍԱՆՅՈՒԹ
Քաղաքականություն
16.12.2020 | 14:50
Իշխանափոխության հանրային պահանջը կարող է դրսևորվել տարբեր ձևերով, օրինակ՝ փողոց փակել, հանարահավաք անցկացնել և այլն, բայց ամենալավ ձևը ժողովրդավարական ընտրություններն են: Այս մասին լրագրողների հետ զրույցում ասաց «Իրազեկ քաղաքացիների միավորում» ՀԿ համակարգող Դանիել Իոաննիսյանը:
Անդրադառնալով հարցին, թե պարտված ղեկավարը պե՞տք է շարունակի պաշտոնավարել՝ հաշվի առնելով, որ աշխարհում նման նախադեպ չկա, Իոաննիսյանը հակադարձեց՝ ասելով. «Այդպիսի մեկ օրինակ կբերե՞ք, որ պարտված ղեկավարը գնացել է: Իսկ օրինակները, որ այդպես չի եղել, բազմաթիվ են: Իշխանությունը լրջագույն սխալներ է արել, որոնց չլինելու դեպքում ավելի քիչ կորուստներ և խնդիրներ կունենայինք: Բայց չկան օրինակներ, որ պարտված իշխանությունները հեռանում են… Ոչ ոք անսխալական չէ, բոլորն էլ սխալներ գործում են:
Ես, որպես ՀՀ քաղաքացի, համարում եմ, որ ժողովուրդը պետք է ձևավորի իշխանություն, և դրա միակ ճանապարհը ընտրություններն են: Հանրային համերաշխության իշխանություն կարող է ձևավորվել միայն ընտրությունների արդյունքում»,- նշեց Իոաննիսյանը:
Հարցին, թե արդյոք իշխանությունը քաղաքական կամք ունի Ընտրական օրենսգիրք փոխելու, Իոաննիսյանն արձագանքեց. «Այո, կարծում եմ՝ ունի… 2018-ին ԱԺ-ում մեծամասնություն կազմող ՀՀԿ-ն և ՀՅԴ-ն տապալեցին ԸՕ փոփոխությունները»:
Մանրամասները՝ տեսանյութում:
