24.04.2026 | 23:32
Կապանում ջրանջատում կլինի
Այսօր այդ հարցի վերջը պետք է տանք․ Արթուր Վանեցյան. ՏԵՍԱՆՅՈՒԹ
Քաղաքականություն
11.12.2020 | 16:22
Էսօր պետք է այս հարցի վերջը տանք: Բոլորս միասին, վճռական ցույց ենք տալիս, որ այլևս Նիկոլ Փաշինյանը մեր երկրում իշխանություն չունի: Այս մասին Նիկոլ Փաշինյանի հրաժարականի պահանջով բողոքի ակցիայի ժամանակ լրագրողների հետ զրույցում ասաց «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը՝ կոչ անելով, որ բոլորը միանան երթին:
Վանեցյանի խոսքով՝ երկիրը կործանման եզրին է, և մարդիկ պետք է դուրս գան փողոցներ: «Վտանգված ենք բոլորս, վտանգված է մեր ինքնիշխանությունը: Մենք չենք կարող թույլ տալ, որ այս դավաճան իշխանությունը իրագործի իր դավաճան պլանը»:
«Ոստիկանության գործողություններն ապօրինի է, բայց ես չեմ մեղադրում նրանց։ Ոստիկանները մոլորված են և կատարում են դավաճանի հրամանները»,- նշեց Վանեցյանը, համոզմունք հայտնելով, որ նրանք ի վերջո միանալու են իրենց պահանջին՝ «փրկել հայրենիքը դավաճան իշխանություններից»:
Մանրամասները՝ տեսանյութում:
