27.06.2026 | 19:03
ԲՀԿ-ի համար ակնհայտ է՝ որևէ հաշվարկի դեպքում 4%-ի շեմը չի կարող համարվել հաղթահարված. Սուրեն Գրիգորյան․ ՏԵՍԱՆՅՈւԹ
Եթե ընդդիմադիրների օրակարգը վարչապետի հրաժարականն է, ոչ թե՝ արտահերթը, երևի մտահոգվելու տեղ ունեն. Արտակ Մանուկյան. ՏԵՍԱՆՅՈՒԹ
Քաղաքականություն
11.12.2020 | 15:15
«Ինստիտուտների միջոցով է ժողովրդի քվեն իրացվում: Երբ որ գնահատական է տրվում հանրահավաքներին մարդկանց քիչ-շատ մասնակցությանը, չպետք է մոռանանք, որ հեղափոխությունից հետո սահմանադրական ճանապարհով տեղի ունեցան արտահերթ ընտրություններ, և այդ ընտրությունների արդյունքների կրողն ենք մենք, իհարկե միայն ժողովրդի մասնակցության թվով առաջնորդվելը լավագույն ցուցիչը չէ: Ժողովրդի քվեն է այն լակմուսի թուղթը, որը ցույց է տալիս իրական աջակցությունը»,- Factor.am-ի հետ զրույցում այս մասին ասաց «Իմ քայլը» խմբակցության պատգամավոր Արտակ Մանուկյանը՝ արձագանքելով ընդդիմադիրների պնդումներին, որ պարտված ղեկավարը պետք է հեռանա, և որ հանրահավքների սակավամարդ լինելը պայմանավորված է նրանով, որ մարդիկ վշտի և խոր ապատիայի մեջ են մեջ են:
Հարցին, թե արդյո՞ք հիմա լավագույն լուծումը արտահերթ ընտրությունների գնալն է, Մանուկյանը պատասխանեց, որ վարչապետի առաջ քաշած թեզին լիովին համաձայն է. «Չպետք է անտեսել ժողովրդին, ժողովրդին պետք է հնարավորություն ընձեռվի, որպեսզի ազատ արդար թափանցիկ եղանակով իրացնի իր քվեն: Այս իշխանությունը պետք է ապահովի, որ ժողովրդի քվեն վերադարձվի ժողովրդին և վերադարձվի հարատև»:
«Եթե ընդդիմադիրների օրակարգը վարչապետի հրաժարականն է, ոչ թե արտահերթ ընտրությունները, երևի մտահոգվելու տեղ ունեն»,- ընդգծեց պատգամավորը:
Մանրամասները՝ տեսանյութում:
