15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ի՞նչ պայմանով են թուրքերի հետ հարաբերություն հաստատելու. Աբովյանն՝ իշխանությանը. ՏԵՍԱՆՅՈՒԹ
Քաղաքականություն
11.12.2020 | 12:24
«Թուրքերի հետ ի՞նչ պայմանով եք դիվանագիտական հարաբերություն հաստատելու։ Ասեմ՝ Թուքիան պայման է դնելու՝ նվազագույնը ասելով՝ Հայոց ցեղասպանության հարցը հանում եք օրակարգից։ Ադրբեջանը պայման է դնելու, ասելու է՝ ի՞նչ Արցախի Հանրապետություն։ Ձե՞ռ եք առնում, էս ինչ եք անում»,- ԱԺ ճեպազրույցների ժամանակ ասաց ԲՀԿ խմբակցության պատգամավոր Արման Աբովյանը։
Նրա խոսքով՝ ՀՀ իշխանությունների պատասխանը երեկ տվեցին Ալիևն ու Էրդողանը։ «Դա հիմա տեսնենք էս պատասխանից հետո ինչ են անելու, ձենները դուրս չի գալիս, խոսացեք։ Երկիրն ու ժողովրդին բերել եք կզած վիճակի ու ասում՝ պետք է նայել ապագային։ Ապագային նայելու համար պետք է նվազագույնը ճիշտ գնահատականներ ունենաք ու ճիշտ վերլուծություններ անեք ստեղծված իրավիճակի վերաբերյալ»,- նշեց Աբովյանը։
Ըստ նրա՝ հակապետական են այն հայտարարությունները, երբ իշխանության ներկայացուցիչներն ասում են, որ եղածը եղել է, պետք է հարաբերություններ հաստանենք Թուրքիայի ու Ադրբեջանի հետ։
«Խայտառակ անգրագիտություն, իրավիճակին չտիրապետելու ֆանտաստիկ ունակություն ունի այս իշխանությունը։
Այսօր եկեք ֆիքսենք հստակ՝ շատ վաղուց Ադրբեջանն ու Թուրքիան տարածքային պրետենզիաներ են ներկայացնում Հայաստանի Հանրապետությանը։ Արցախի մասին առհասարակ այս պարագայում, երբ լսում ես թուրքերի ու ադրբեջանցիների հայտարարությունները, ամեն ինչ պարզ է դառնում։ Երբ լինում են այդ կարգի հայտարարություններ, երբ հայտարարվում է Երևանը, Զանգեզուրը, Սևանը թուրքական տարածք, և այդ ֆոնի վրա ասում են՝ գնանք դիվանագիտական հարաբերություններ հաստատենք, սա արդեն աննորմալության կանխավարկած է։ Կամ չեն հասկանում, կամ միտումնավոր քայլեր են անում։ Ի՞նչ դիվանագիտական հարաբերություններ կարող ես հաստատել մի պետության հետ, որը բացահայտ տարածքային պրետենզիաներ է անում քո տարածքի վրա, քո մայրաքաղաքի վրա»,- ասաց Արման Աբովյանը։
Ադրբեջանի հետ հարաբերություններ հաստատելու վերաբերյալ պատգամավորը նշեց. «Երբ դու գնում ես դիվանագիտական հարաբերությունների հաստատման, Ադրբեջանի հետ ո՞նց ես հաստատելու, երբ Ադրբեջանը միանշանակ պայման է դնելու, որ դու պարտավորվելու ես դե յուրե ընդունել Ադրբեջանի տարածքային ամբողջականությունը։ Չնայած Արցախի հարցը կապ չունի Ադրբեջանի տարածքային ամբողջականության հետ, բայց ադրբեջանցիները նախապայման են դնելու, առանց այդ նախապայմանի ձեր ուզածը չի իրականանա։ Եթե այդքան վստահ եք խոսում, կարո՞ղ է ինչ-որ բան եք պայմանավովել»։
Մանրամասները՝ տեսանյութում:
