26.03.2026 | 23:44
Քարաթափում Սիսիան-Լծեն-Տաթև ավտոճանապարհին
Արցախի ճանաչման գործընթաց սկսել ենք. Էդմոն Մարուքյան. ՏԵՍԱՆՅՈՒԹ
Քաղաքականություն
11.12.2020 | 11:45
Ընդդիմությունն Արցախի ճանաչման գործընթաց սկսել է, բայց այդ գործընթացն այս պահին նպատակահարմար չէ իրականացնել, խորհրդարանական ճեպազրույցների ժամանակ ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ գործընթացի այլ մանրամասներ չհայտնելը պայմանավորելով որոշակի պետական գաղտնիք պարունակող հանգամանքներով:
«Եթե քաղաքական միավորը պատասխանատու ուժ է, պտասխանատվութուն է կրում երկրի ճակատագրի, այս պահին եղած իրավիճակի համար, մենք չենք կարող քայլեր անել, որոնք կվտանգեն որևէ մեկի կյանքը կամ պրոցեսը: Բայց իմացեք, որ շուրջ մեկ ամիս զբաղվել ենք սրանով, որը գաղտնի գործընթաց է եղել»,- ասաց պատգամավորը:
Հարցին՝ այս ընթացքում իշխող ուժի հետ կոնսուլտացիաներ եղե՞լ են, Մարուքյանը պատասխանեց՝ ոչ թե կոնսուլտացիաներ, այլ համապատասխան մարմինների հետ որոշակի պրոցեսներ են եղել:
