08.06.2026 | 12:48
ԲՀԿ-ն չի հաղթահարում անցողիկ շեմը՝ ըստ ԿԸՀ-ի նախնական արդյունքների
5-րդ զորամիավորում փոխհրամանատարը Վաղարշակ Հարությունյանի հետ զրույցում անդրադարձել է Դավիթ Բեկ համայնքի ղեկավարի հայտարարությանը
10.12.2020 | 17:31
Դեկտեմբերի 10-ին ՀՀ պաշտպանության նախարար Վաղարշակ Հարությունյանն այցելել է 5-րդ բանակային զորամիավորում։
Զորամիավորման հրամանատարի բարոյահոգեբանական ապահովման գծով տեղակալ, գնդապետ Սերյոժա Ստեփանյանը պաշտպանական գերատեսչության ղեկավարին է ներկայացրել զորամիավորման խնդիրները, հետպատերազմյան ծառայողական առօրյան ենթակա ստորաբաժանումներում, նախանշել առաջիկա անելիքները: Հակիրճ վերլուծվել են նաև արցախյան պատերազմում զորամիավորման ենթակա զորամասերին առաջադրված մարտական խնդիրների կատարման արդյունքները։
Զորամիավորման հրամանատարի տեղակալն անդրադարձել է նաև Սյունիքի մարզի Դավիթ Բեկ համայնքի ղեկավարի հայտարարությանը, թե սահմանի տվյալ հատվածը հսկում են միայն գյուղերից եկած կամավորները, վստահեցնելով, որ առաջնագծի տվյալ ուղղության ողջ երկայնքով տեղակայված ԶՈՒ անձնակազմը կատարում է իր առջև դրված խնդիրները։
Հիշեցնենք, որ Factor.am-ն անդրադարձել էր վերանշյալ թեմային, իր ՝ «ՊՆ-ին ասեք՝ կանոնավոր զորք բերի Դավիթ Բեկի սահման, թշնամին 1․5 կմ է հեռու․Դավիթ Բեկի վարչական ղեկավար» վերտառությամբ հրապարակմամբ:
