13.12.2024 | 12:46
Երևանում հանրային սննդի օբյեկտի արտադրական գործունեություն է կասեցվել․ ՍԱՏՄ
Կառավարության անդամները չեն պատասխանում լրագրողների հարցերին. ՏԵՍԱՆՅՈՒԹ
Քաղաքականություն
10.12.2020 | 13:57
Կառավարության նիստից հետո լրագրողներին գրեթե չի հաջողվում հարցեր ուղղել գործադիր մարմնի ներկայացուցիչներին: Նրանք հիմնականում դուրս են գալիս ծառայողական ելքերով: Այսօր, օրինակ, լրագրողներին ոչ հասանելի ճանապարհով գնացին ՔՊ վարչության նախագահ, Տարածքային կառավարման և ենթակառուցվածքների նախարար Սուրեն Պապիկյանը, ՔՊ վարչության անդամ Շրջակա միջավայրի նախարար Ռոմանոս Պետրոսյանը և Անվտանգության խորհրդի քարտուղար Արմեն Գրիգորյանը:
Թեև լրագրողները նրանց փորձեցին հրավիրել ճեպազրույցի, սակայն նրանք առանց որևէ խոսք ասելու հեռացան:
Լրագրողներին հասանելի ճանապարհով կառավարությունից դուրս եկան ԿԳՄՍ նախարար Վահրամ Դումանյանը, ՊՎԾ պետի պաշտոնակատար Տիգրան Ուրիխանյանը և Արարատի նորանշանակ մարզպետ Ռազմիկ Թևոնյանը: Նրանք, սակայն, հրաժարվեցին քաղաքական հարցերի պատասխանել:
Կառավարությունում սահմանափակվել է նաև լրագրողների տեղաշարժը: Եթե իշխանափոխությունից հետո լրագրողները հնարավորություն ունեին կանգնել աստիճաններին, ինչի արդյունքում կարողանում էին հարցեր ուղղել հետնամունքով դուրս եկող պաշտոնյաներին, ապա այս օրերին զրկվել են նաև այդ հնարավորությունից: Վարչապետի մամուլի խոսնակ Մանե Գևորգայանը մեզ փոխանցեց, որ կառավարական շենքի անվտանգությունն իրականացնում է ՊՊԾ-ն և իրենց որոշմամբ է սա պայմանավորված: Խոսնակը միաժամանակ նշեց, որ կքննարկի ստեղծված իրավիճակը:
Նարեկ Կիրակոսյան
