01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Անդրանիկ Քոչարյանին ասեմ՝ նախ ճշտեք՝ որն է մեր սահմանը, հետո խոսեք Ադրբեջանի հետ հարաբերության հաստատումից. Անի Սամսոնյան. ՏԵՍԱՆՅՈՒԹ
Քաղաքականություն
09.12.2020 | 15:07
Անդրանիկ Քոչարյանին ուզում եմ ասել՝ ցուցաբերեք այնքան ողջախոհություն և պատասխանատվություն, որ նախ՝ կարողանաք ղեկավարության բարձր մակարդակով ճշտել, թե որն է այսօր Հայաստանի և Ադրբեջանի սահմանային բնագիծը, հետո նոր խոսել դիվանագիտական հարաբերություններից: ԱԺ-ում լրագրողների հետ զրույցում ասաց «Լուսավոր Հայաստան» խմբակցության պատգամավոր Անի Սամսոնյանը՝ անդրադառնալով «Իմ քայլը» խմբակցության պատգամավոր Անդրանիկ Քոչարյանի հայտարարությանը, թե պետք է փորձել երկխոսություն, երկկողմ դիվանագիտական հարաբերություններ հաստատել Ադրբեջանի հետ։
Արձագանքելով Քոչարյանի այս հայտարարությանը՝ Անի Սամսոնյանը նշեց. «Եթե այսօր դուք չեք կարողանում պաշտպանել ձեր պետական սահմանները, եթե այսօր համայնքապետերը պետք է զենք առնեն և բնագծերով զբաղվեն, ինչի՞ մասին է խոսքը։ Նախ, կարողացեք հասկանալ՝ որն է ձեր պետության նոր սահմանը։ Այս իշխանությունները մինչև հիմա սա չեն կարողանում հասկանալ։ Մարդիկ սգի մեջ են, երեխա են կորցրել, ի՞նչ դիվանագիտական հարաբերություններ»։
Մանրամասները՝ տեսանյութում:
