20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
ԱԳ նախարարը չպատասխանեց՝ դիվանագիտական դաշտում ձախողում եղե՞լ է, թե՞ ոչ. ՏԵՍԱՆՅՈՒԹ
Քաղաքականություն
04.12.2020 | 16:39
Հայաստանի ԱԳ նախարար Արա Այվազյանը այսօր՝ դեկտեմբերի 4-ին, ԱԺ-ում լրագրողների հետ զրույցում ընթերցեց իր հայտարարության տեքստը և հրաժարվեց պատասխանելով որևէ հարցի:
Ստորև ներկայացնում ենք հայտարարության տեքստը.
«1) Հայաստանի ԱԳՆ-ն մեր ինքնիշխանության ու պետականության հիմնասյուներից մեկն է: Լինելով ապաքաղաքական կառույց, ունի մեկ հավերժական նպատակ՝ ամենօրյա աշխատանքով պաշտպանել ՀՀ-ի և հայ ժողովրդի շահերը: Ցանկացած փորձ՝ հեղինակազրկելու այս կառույցը և ներքաշելու ներքաղաքական շահարկումների մեջ, հարված է Հայաստանի պետականությանը: Հատկապես այս օրերին, երբ ռազմական գործողությունների ավարտից հետո ողջ ծանրությունն ու պատասխանատվությունը հետզհետե տեղափոխվումէ դիվանագիտություն:
Վստահ ենք, որ այս գիտակցումը կիսում են երկրի ու ժողովրդի ճակատագրով մտահոգ մեր բոլոր քաղաքացիները և հայրենակիցները:
2) Մենք բոլորս խոնարհվում ենք մեր ժողովրդի օրգանական, անքակտելի մաս հանդիսացող մեր ազգային բանակի առջև, որը հերոսաբար դիմակայեց Արցախի և հայ ժողովրդի դեմ Ադրբեջան-Թուրքիա-միջազգային ահաբեկչություն եռյակի կողմից սանձազերծած ագրեսիային և տապալեց ցեղասպան եռյակի դաշինքի պատմական հայրենիքում հայ ժողովրդի ոչնչացնելու նկրտումները: Պետք է փաստենք, որ այն իրավիճակը, որ այսօր ունենք, պայմանավորված է նրանով, որ մենք դիմակայել ենք անհամաչափ ուժերի: Ինչպես և մեր զինվորները, քույրերն ու եղբայրները Արցախում, հայ դիվանագիտությունը եղել և շարունակում է մնալ հայրենիքի պաշտպանության առաջատար դիրքերում: Հատկապես այսօր մենք մեր պարտքն ենք համարում անել հնարավորը և անհնարինը՝ իմաստավորելու հայ ժողովրդի ազնվագույն որդիների զոհողությունը և այդ ձևով վառ պահելու նրանց հիշատակը:
3) Այժմ մենք ունենք հրատապ հասցեագրում պահանջող խնդիրներ, որոնց մասին ես հստակ բարձրաձայնել եմ, այդ թվում երեկ հարցազրույցում և ԵԱՀԿ նախարարական խորհրդում ունեցած ելույթում: Հայ դիվանագիտությունը մեծածավալ աշխատանք։ ունի անելու այդ հրատապ հարցերի լիարժեք և համապարփակ լուծման ուղղությամբ:
Դիվանագիտությունը սիրում է լռություն, ուստի ձեր թույլտվությամբ դիվանագիտությունը լուռ կկատարի իր աշխատանքները, իսկ այդ աշխատանքների արդյունքներն ավելի խոսում կլինեն, քան որևէ մեկնաբանություն:
Պատմությունն ունի օրինակներ, երբ դիվանագիտությունը երկիրը դուրս է բերել ամենածանր իրավիճակներից: Խնդրում եմ, հավատալ և վստահել հայ դիվանագիտությանը»:
