17.09.2026 | 22:43
Ռիչարդ Կիրակոսյանը Ստամբուլում հոսպիտալացվել է
Օրենքը կուսակցական դաշտը կեղծիքից մաքրելու նպատակի չի կարող ծառայել․ Միքայել Նահապետյան. ՏԵՍԱՆՅՈՒԹ
Քաղաքականություն
04.12.2020 | 13:13
Մարդ-կուսակցությունները բաժանվում են երկու մասի՝ առաջին տարբերակն այն է, երբ իսկապես կուսակցությունը կազմված է գրեթե մեկ մարդուց, և երկրորդ՝ երբ որ կուսակցությունում կան շատ քաղաքական գործիչներ, բայց այդ կուսակցության որոշումները կախված են մեկ մարդուց: Առաջին դեպքում այս օրենքը կաշխատի, իսկ երկրորդի դեպքում՝ չի աշխատի: «Կուսակցությունների մասին» օրենքի նախագիծ. կփոխվի՞ մարդ-կուսակցություն համակարգը» թեմայով առցանց քննարկման ժամանակ ասաց «Քաղաքացու որոշում» կուսակցության գործադիր մարմնի անդամ Միքայել Նահապետյանը:
«Մենք կարծում էինք, որ այս օրենքը պետք է լիներ առավել խիստ և միջնաժամկետ գործող օրենք, այսինքն՝ անցումային շրջանի օրենք պիտի լիներ սա: Հիմա բերված է մի օրենքի նախագիծ, որը որոշ վերապահումներով կարելի է համարել բոլոր ժամանակների օրենք, այսինքն՝ ժողովրդավարության մասին օրենք է սա, ինչը, Հայաստանում դեռ չկա, և պետք է հաստատել ժողովրդավարություն, սակայն դա ավելի խիստ օրենսդրությամբ էր հնարավոր անել՝ միջամտելով հարցերի շատ ավելի լայն շրջանակի և ավելի խիստ միջամտություն ցուցաբերելով, մասնավորապես սանկցիաների ավելի լայն գործիքակազմ կիրառել: Սակայն դա արված չէ, և այս առումով թերահավատություն ունեմ, թե այս օրենքը հնարավրություն կտա կարգավորել ՀՀ կուսակցական դաշտն այնպես, որ այն ազատվի 30 տարվա ընթացքում մեզ հայտնի արատներից: Ցավոք այս օրենքը կուսակցական դաշտը կեղծիքից մաքրելու նպատակի չի կարող ծառայել, որքան էլոր առաջխաղացում ունի նախկին օրենքի համեմատ»,- նշեց Նահապետյանը:
Մանրամասները՝ տեսանյութում:
