19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ամսի 10-ին պիտի գործուղվեի Արցախ. Սեֆիլյանը մեկնաբանում է, թե ինչու առաջնագծում չէր. ՏԵՍԱՆՅՈՒԹ
Քաղաքականություն
04.12.2020 | 12:54
«Պատերազմի առաջին օրվանից ես և իմ ընկերները պաշտոնապես դիմել ենք պաշտպանության նախարարին: Պատերազմի հաջորդ օրը զանգահարել ենք ՊՆ ընդունարան, խնդրելով նախարարի հետ հանդիպման, որովհետև խնդիրներ կային, մեր մասնակցության ձևաչափը պետք է որոշվեր, որը կարող էր լինել բազմաբնույթ, ինչ ասեին, մենք պատրաստ էինք անել: Պատերազմ էր և որևէ մեկը իրավունք չուներ ինքնագործունեությամբ զբաղվելու»,- այս մասին ասուլիսի ժամանակ ասաց Ազգային ժողովրդավարական բևեռի անդամ Ժիրայր Սեֆիլյանը՝ անդրադառնալով Factor.am-ի հարցին, թե լինելով փորձառու հրամանատար, ինչու պատերազմի առաջին օրերին առաջնագծում չի եղել, և եթե ասել են սպասեք, ապա ինչով են հիմնավորել:
«Ես հասկանալով, որ առանց պատրաստվելու մեկնելը սխալ է, ես բոլորին հորդորում էի նախապատրաստվել: Մեր շրջապատից հարյուրավոր մարդիկ այս հորդորը չլեսեցին, գնացին և շատ կարժ ժամանակում հասկացան, որ առանց նախապատրաստվելու ռազաճակատ գնալով փոխանակ օգնելու, բեռ ենք դառնում… Մեր խնդիրը հետևյալն էր՝ ինչպես անենք, որ մեր փորձով հնարավորինս մեծ օգուտ կարողանանք տալ: Դժբախտաբար մեր առաջարկները տեղ չեն հասել: Օրեր անց ինձ հաջողվել է թուղթ հասցնել պարոն Փաշինյանին, որտեղ գրված էր, թե ինչ կարելի է անել այդ վիճակից դուրս գալու համար, մի քանի տարբերակ եմ առաջարկել իմ մասնակցության պատրաստակամությունն եմ հայտնել: Մեր բոլոր առաջարկներն անպատասխան են մնացել…
Ես նախաձեռնել եմ հանդիպում Աղաջանյանի հետ, և ասել եմ, որ եթե մեր գնալը վտանգավոր եք տեսնում, մեզ այստեղ ժամանակ տվեք նախապատրաստվելու, նրանք ասացին, որ տալիս են այդ հնարավորությունը և հաջորդ օրվանից սկսել ենք ՊՆ հետ գործակցել, սակայն երրորդ օրվանից հասկացանք՝ հրահանգ կար մեզ չաջակցել, մենք զրկված էինք նյութատեխնիկական բազայից… Խոչընդոտների պատճառով մենք 20 օրից ավելի պատրաստվեցինք, և ամսի 9-ի առավոտյան մեր ներկայացուցիչը ՊՆ համապատասխան գեներալի հետ պայմանավորվել էր իմ գործողումը կազմակերպել, և ես ամսի 10-ին պետք է մեկնեի Արցախ»,- նշեց Սեֆիլյանը:
Մանրամասները՝ տեսանյութում:
