27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
ԱԱԾ-ին 37 մլն դրամ հատկացվեց պետբյուջեի պահուստային ֆոնդից
Քաղաքականություն
03.12.2020 | 15:38
Ազգային անվտանգության ծառայության (ԱԱԾ) պետական պահպանության ծառայության բնականոն գործունեությունն ապահովելու համար անհրաժեշտ տեխնիկական հագեցվածության բարելավման նպատակով՝ պետական բյուջեի պահուստային ֆոնդից ՊՊԾ-ին կհատկացվի 37 մլն դրամ:
Կառավարության այսօրվա նիստում ընդունված որոշման համաձայն՝ «Տրանսպորտային սարքավորումներ» հոդվածով կհատկացվի 24․8 մլն դրամ, «Վարչական սարքավորումներ» հոդվածով՝ 9․8 մլն դրամ, «Այլ մեքենաներ և սարքավորումներ» հոդվածով՝ 1․5 մլն դրամ, «Նախագծահետազոտական ծախսեր» հոդվածով՝ 950 հազար դրամ:
Նախատեսվում է ձեռք բերել 4 հատուկ նշանակության ավտոմեքենա (որոնք չեն հանդիսանում ծառայողական մեքենաներ), համակարգիչներ, տպիչներ, կենցաղային տեխնիկա, ավտոմեքենաների լվացման՝ բարձր ճնշմամբ աշխատող սարք: ԱԱԾ-ից նշում են, որ նշված սարքավորումները շահագործման մեջ են գտնվում շուրջ 15 տարի և պիտանի չեն հետագա շահագործման համար, իսկ վերանորոգելիս պահեստամասերի ձեռքբերման հետ կապված խնդիրներ են առաջանում:
Այս գումարի շրջանակում Պետական պահպանության ծառայության վարչական շենքում կառուցվելու է 9 աշխատասենյակ, որոնց նախագծահետազոտական փաստաթղթերի կազմման աշխատանքների իրականացման համար հարկավոր է 950 հազար դրամ, ինչպես նաև անհրաժեշտ է կահավորել նոր ստեղծված ստորաբաժանումների զորանոցները:
Նարեկ Կիրակոսյան
