27.06.2026 | 15:22
Ռաիսա Մկրտչյանի մահվան կապակցությամբ ստեղծվել է թաղման հանձնաժողով
Տեղի ունեցածը ողբերգություն է. վարչապետի հրաժարականի անհրաժեշտություն չեմ տեսնում. սոցապնախարար. ՏԵՍԱՆՅՈՒԹ
Քաղաքականություն
03.12.2020 | 12:04
«Տեղի ունեցածը ողբերգություն: Եվ բազմաթիվ քաղաքացիներ ունեն անձնական, ընտանեկան ողբերգություն, մենք ունենք հազարավոր քաղաքացիներ, ովքեր չունեն այս պահին մշտական բնակության վայր, մեր արցախցի հայրենակիցների զգալի մասը դեռ ՀՀ-ում է ապրում, կան բազմաթիվ զինծառայողներ, որոնց մասով նույնպես կան անելիքներ, հետևաբար, յուրաքանչյուր օր իմ պատասխանատվությունն է հնարավոինս մեղմել այդ մարդկանց խնդիրները»,-այս մասին լրագրողների հետ ճեպազրույցում, անդրադառնալով ստեղծված իրավիճակին, ասաց ՀՀ աշխատանքի և սոցիալական հարցերի նախարար Մեսրոպ Առաքելյանը:
Հարցին, թե ողբերգություն ասելով նկատի ունի նոյեմբերի 9-ին ստորագրված փաստաթո՞ւղթը, Առաքելյանը նշեց, թե խոսքը ընդհանուր իրադարձությունների մասին է։
«Պատերազմի հետևանքները համարում եմ ողբերգություն։ Տարածքների հանձնումը տեղի է ունեցել պատերազմի ավարտի հետևանքով արված հայտարարության հիման վրա։ Այդ պահին իրականացվել է առավելագույն լուծումը», – ասաց սոցապնախարարը:
Անդրադառնալով հարցին՝ վարչապետի հրաժարականի անհրաժեշտություն տեսնո՞ւմ է, նախարարը նշեց. «Իհարկե, ոչ։ Վարչապետը պարզաբանել է տեղի ունեցածը և նաև այն անելիքները, որ առաջիկա ամիսներին շեշտադրված է ճանապարհային քարտեզով։ Այս պահին կառավարությունն իր բոլոր ջանքերը գործադրում է այդ ճանապարհային քարտեզում նշված բոլոր խնդիրները լուծելու համար»:
