13.05.2025 | 00:24
Ուժգին քամու ժամանակ թիթեղը պոկվել և հարվածել է հղի կնոջը․ երեխան ծնվել է ճակատի շրջանում խոր վնասվածքով
1 մլն-ից 3 մլն դրամ կտրվի պատերազմի պատճառով հաշմանդամություն ձեռք բերած անձանց
Հասարակություն
02.12.2020 | 23:02
2020 թվականի սեպտեմբերի 27-ից Ադրբեջանի Հանրապետության կողմից Արցախի Հանրապետության ուղղությամբ սկսված պատերազմական գործողությունների հետևանքով քաղաքացիական անձանց շրջանում զոհերի ընտանիքներին և հաշմանդամություն ձեռք բերած անձանց ՀՀ կառավարության սոցալական աջակցության ծրագրով միանվագ գումարներ կտրվի։ Հարցն ընդգրկված է կառավարության նիստի վաղվա օրակարգում:
Պատերազմի հետեւանքով առաջին խմբի հաշմանդամություն ձեռք բերած անձանց կտրվի 3 մլն դրամ, երկրորդ խմբի հաշմանդամություն ունեցողներին՝ 2 մլն դրամ երրորդ խմբին՝ 1 մլն դրամ: Հաշմանդամություն ձեռք բերած երեխաներին եւս կտրվի 3 մլն դրամ, զոհված քաղաքացիական անձանց ընտանիքներին՝ 5 մլն դրամ:
Սույն միջոցառման շրջանակում ընտանիքի անդամներ են համարվում՝
1) ամուսինը.
2) զավակը (զավակները).
3) ծնողը (ծնողները).
4) դեպքը տեղի ունենալու օրվա դրությամբ 18 տարին չլրացած կամ անգործունակ ճանաչված կամ մինչև 23 տարեկան առկա ցերեկային ուսուցմամբ սովորող ուսանող քույրը և եղբայրը, ինչպես նաև զոհված քաղաքացու խնամքի տակ գտնված 18 տարեկան և դրանից բարձր տարիքի հաշմանդամ քույրը և եղբայրը, եթե հաշմանդամ են ճանաչվել մինչև 18 տարին լրանալը: Ընդ որում, քույրը և եղբայրը սոցիալական աջակցության իրավունքից կարող են օգտվել, եթե նրանց ծնողները կամ միակ ծնողը մահացած են կամ ունեն աշխատանքային գործունեությամբ զբաղվելու կարողության առնվազն երրորդ աստիճանի սահմանափակում:
Սույն միջոցառումից օգտվելու համար դիմումը պետք է ներկայացվի էլեկտրոնային եղանակով՝ մինչև 2021 թվականի ապրիլի 1-ը։
Նարեկ Կիրակոսյան
