19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
33-ամյա տղամարդու դանակահարություն Մաշտոցի պողոտայում. ոստիկանության բացահայտումը
Հասարակություն
01.12.2020 | 22:30
ՀՀ ոստիկանությունից տեղեկացնում են, որ նոյեմբերի 28-ին, ժամը 17:50-ին, բժշկական կենտրոնից ոստիկանության Կենտրոնական բաժին ահազանգ է ստացվել, որ ծակած-թափանցող վերքերով բուժօգնության է տեղափոխվել 33-ամյա մի տղամարդ։
«Ոստիկանների ձեռնարկած միջոցառումներով պարզվեց, որ Մաշտոցի պողոտայում տղամարդուն նույն օրը դանակահարել է մի տաքսու վարորդ։
Ճշտվեց կասկածյալի ինքնությունը։ Նրան հայտնաբերելու համար իրավապահները ձեռնարկեցին օպերատիվ-հետախուզական ու բացատրական աշխատանքներ։ Եվ նույն օրը Երևանի 28-ամյա բնակիչը ներկայացավ ոստիկանություն և խոստովանեց, որ ինքն է դանակով մարմնական վնասվածք պատճառել տղամարդուն։
Նշանակվել են փորձաքննություններ։
Ձեռնարկվում են միջոցառումներ՝ հանցագործության գործիք դանակը հայտնաբերելու ուղղությամբ։
Նախապատրաստվում են նյութեր»,- ասված է հաղորդագրությունում:
