17.09.2026 | 13:22
Հայ բռնցքամարտիկները մեկնարկում են Եվրոպայի առաջնությունում
ԵՄ Խորհրդի նախագահն ակնկալում է ՌԴ-ի և Թուրքիայի դեմ ԱՄՆ-ի հետ համատեղ քաղաքականություն վարել․ DW
Քաղաքականություն
30.11.2020 | 17:52
ԵՄ Խորհրդի նախագահ Շառլ Միշելը կարծում է, որ Եվրամիությունը պետք է առաջարկի ԱՄՆ 46-րդ նախագահ Ջո Բայդենին՝ միասնական քաղաքականություն մշակել Ռուսաստանի, Իրանի, Չինաստանի, Թուրքիայի և այլ պետությունների հանդեպ։ Այս մասին հայտնում է DW-ի ռուսական ծառայությունը։
Բացի այդ, Միշելը պնդում է Միացյալ Նահանգների ու Եվրամիության միջև առևտրային պատերազմի շուտափույթ դադարեցման և դրա հետևանքով առաջացած մաքսային հարկերի վերացման վրա։ «Բրյուսելը պետք է Վաշինգտոնին առաջարկի «առևտրի դրական օրակարգ»»,- համոզված է Շառլ Միշելը:
Առևտրից բացի՝ նա ԱՄՆ-ի հետ սերտ համագործակցության կարևոր կետերից է համարում կլիմայի պաշտպանությունը, բազմակարծության քաղաքականությունը, խաղաղության ապահովումը և COVID-19 համաճարակի դեմ պայքարը։ Այս առումով ԵՄ Խորհրդի նախագահն ակնկալում է, որ Միացյալ Նահանգները կաջակցի ամբողջ աշխարհում պատվաստանյութերի արդար բաշխմանը: Միաժամանակ, երկու կողմերը պետք է աշխատեն վերաբացել իրենց սահմանները տուրիստական ճանապարհորդությունների համար, երբ համաճարակաբանական իրավիճակը թույլ տա:
Շառլ Միշելը նաև մատնանշել է Բրյուսելի և Վաշինգտոնի ընդհանուր շահերը կիբերանվտանգության, հակաահաբեկչության և հիբրիդային սպառնալիքներին հակազդելու հարցում:
Տաթև Ֆռանգյան
