17.09.2026 | 18:18
Քեշ փողով, կովով ու հավով ընտրակաշառք են բաժանել, էլ ի՞նչ պիտի անեին, որ ընտրապայքարից դուրս մնային․ Ալեքսանյան․ ՏԵՍԱՆՅՈՒԹ
Կգա ժամանակը՝ կիմանաք, իսկ դա հեռու չէ. Մելքումյանը՝ վարչապետի թեկնածուի մասին. ՏԵՍԱՆՅՈՒԹ
Քաղաքականություն
26.11.2020 | 17:27
«Ձուկը գլխից է հոտել, ամեն ինչ որոշվում է բարձրագույն բուրգում։ Մինչև վերևի նստածի հարցերը չլուծվի, ներքևներում հարց լուծել հնարավոր չի լինի, եթե կլուծվի այդ հարցը, կունենանք նոր իրականություն»,- այս մասին այսօր՝ նոյեմբերի 26-ին խորհրդարանում լրագրողների հետ զրույցում ասաց «Բարգավաճ Հայաստան» խմբակցության պատգամավոր Միքայել Մելքումյանը՝ անդրադառնալով հարցին, թե նորմա՞լ է, երբ «Հայաստան» համահայկական հիմնադրամից ծածուկ պայմաններում դրամական փոխանցումներ են արվել կառվարություն, բայց, օրինակ, Ֆինանսաների նախարարությունում պարգևավճարներ են բաժանվում, մինչդեռ այդ նույն նախարարությունից ընդունում են, որ պետբյուջեն ճեղքվածք ունի:
Դիտարկմանը, որ իշխող ուժը նշում է, որ վարչապետի հրաժարականի հանրային պահանջ չկա և ընդդիմության հանրահավաքները լայն արձագանք չգտան, Մելքումյանը նշեց. «Հանրահավաքում ոչ թե մարդկանց քանակն եմ գնահատում, այլ որակը, այնտեղ կտեսնենք մտավորականների, մշակույթի գործիչների: Այսօր ես շնորհակալություն հայտնեցի ԵՊՀ գիտխորհրդին և ԳԱԱ նախագահությանը, որոնք քաղաքական խիզախություն ցուցաբերեցին՝ պահանջելով վարչապետի հրաժարականը»:
«Կգա ժամանակը՝ կիմանաք, իսկ դա հեռու չէ»,- նշեց Մելքումյանը՝ անդրադառնալով հարցին, թե ով կարող է լինել վարչապետի թեկնածուն:
Մանրամասները՝ տեսանյութում:
