19.01.2026 | 20:30
Քնում են մեքենայում, սպասում օրերով․ հայկական բազմաթիվ բեռնատարներ մնում են Վրաստանի և ՌԴ տարածքում. ՏԵՍԱՆՅՈՒԹ
Վտանգը վերացա՞վ. տեղեկություններ կան, որ ջիհադիստներն այդպես էլ դուրս չեն եկել. Իգիթյան. ՏԵՍԱՆՅՈՒԹ
Քաղաքականություն
26.11.2020 | 11:52
ԱԺ արտահերթ նիստում քննարկվում է երկրում սեպտեմբերի 27-ից հաստատված ռազմական դրությունը վերացնելու հարցը։ «Ռազմական դրությունը վերացնելու մասին» նախագիծը ներկայացրել է «Լուսավոր Հայաստան» խմբակցությունը:
«Իմ քայլը» խմբակցության պատգամավոր Հովհաննես Իգիթյանը, դիմելով «Լուսավոր Հայաստան» խմբակցության քարտուղար Գևորգ Գորգիսյանին, ով ներկայացրեց նախագիծը, նշեց. «Եթե դուք ռազմական դրության ռեժիմը հանելու մասին հարց եք բարձրացնում, ապա դա նշանակում է, որ այսօր գոյություն չունի՞ այն վտանգը, որի համար այս ռեժիմը մտցվեց: Այդ վտանգը Ադրբեջանի ագրեսիան էր, Թուրքիայի ուղղակի և անուղղակի լկտիությունն էր և բազմաթիվ վարձկանների, ջիհադիստների առկայությունը տարածաշրջանում: Ձեր կարծիքով՝ այս վտանգը վերացա՞վ, այսինքն՝ Ադրբեջանը դադարե՞ց լինել ագրեսիվ, Թուրքիան դադարե՞ց լինել լկտի… Տեղեկություններ կան, որ ջիհադիստներն այդպես էլ դուրս չեկան տարածաշրջանից. այսօր իրավիճակը պակաս վտանգավոր չէ»:
Գևորգ Գորգիսյանն արձագանքեց՝ ընդգծելով. «Եթե այդ տրամաբանությամբ շարժվեինք, 94թ-ից ի վեր և առհավետ պետք է լինենք ռազմական դրության պայմաններում»:
Մանրամասները՝ տեսանյութում:
