27.04.2026 | 12:37
Մենք պետք է ապահովենք Իրանի ժողովրդի իրավունքները բանակցություններում. Արաղչի
Ֆրանսիայի Սենատն ընդունեց Արցախի անկախությունը ճանաչելու վերաբերյալ բանաձևը
Քաղաքականություն
25.11.2020 | 21:18
Ֆրանսիայի Սենատն ընդունեց Լեռնային Ղարաբաղի Հանրապետությունը ճանաչելու վերաբերյալ ներկայացված բանաձևը։ Այն ստացավ սենատորների 305 կողմ և 1 դեմ ձայները։ Ընդհանուր առմամբ, քննարկմանը մասնակցել է 336 սենատոր:
Նշենք, որ նոյեմբերի 18-ին Սենատ ներկայացված բանաձևը Ֆրանսիայի կառավարությանը կոչ է անում ճանաչել Լեռնային Ղարաբաղի Հանրապետությունն ու այն դարձնել հաստատուն կայունության հաստատման համար բանակցային գործիք։
Նախագծով սենատորները Ֆրանսիայի կառավարությանը կոչ էին անում նաև զանգվածային մարդասիրական օգնություն տրամադրել Ղարաբաղի բնակչությանը և պահանջել հումանիտար միջանցքների բացում, ինչպես նաև սկսել Ղարաբաղում կատարված պատերազմական հանցագործությունների միջազգային հետաքննություն:
Հիշեցնենք, որ ԼՂ-ի հարցով բանաձևի նախագիծը ներկայացվել էր տարբեր խմբակցություններից հինգ սենատորների կողմից՝ Բրունո Ռետաիոյի (Հանրապետականների խմբի ղեկավար), Պատրիկ Կանների, Էրվե Մարսեյի («Կենտրոնամետների միության» խմբի ղեկավար), Էլիան Ասասինի և Գիյոմ Գոթարի:
