18.11.2024 | 17:31
Դեռ հրաժարական չի տվել, հիվանդանոցում է․ Փարաքար համայնքի ղեկավարի տեղակալը՝ համայնքապետի մասին
Երևանում հենց այս պահին զինված խմբեր կան. Գևորգ Գորգիսյան. ՏԵՍԱՆՅՈՒԹ
Քաղաքականություն
25.11.2020 | 17:33
ՀՀ առաջ ծառացած կարևոր խնդիրներից մեկը առկա ճգնաժամի հաղթահարումն է, մյուսը՝ պառակտված մթնոլորտը վերացնելու և համերաշխության հաստատման խնդիրն է: «Իմ քայլի» երեկվա նախաձեռնությունն այս խնդիրների հետ կապ չուներ, հետևաբար մենք մասնակցություն չունեցանք: Այս մասին Factor.am- ի հետ զրույցում ասաց «Լուսավոր Հայաստան» խմբակցության պատգամավոր Գևորգ Գորգիսյանը՝ անդրադառնալով դիտարկմանը, որ ԼՀԿ-ն չէր մասնակցում խորհրդի նիստին, որտեղ քննարկվում էր ԲՀԿ ղեկավար Գագիկ Ծառուկյանին մանդատից զրկելու հարցը:
Նրա խոսքով՝ եթե որևէ մեկը օրենք է խախտել, պետք է դրա համար պատասխան տա, բայց այսօր այնպիսի իրավիճակ է ստեղծվել, որ ավելի լուրջ խնդիրներ են ծառացել: «Գերիների հարցով պետք է զբաղվել… Ամեն օր ստորագրված փաստաթղթի որևէ կետ մտնում է ուժի մեջ, և նոր խնդիրներ են առաջանում ՀՀ-ի համար, բայց դրանցով զբաղվող չկա… Այսօր կառավարությունը զբաղված է հարյուրերորդական խնդիրներով, զբաղված է անհեթեթություններով… Երևանում հենց այս պահին զինված խմբեր կան, այդ մասին վարչապետն է հայտարարել, թող դրանով զբաղվեն: Ինչ է, անկառավարելի զինված խմբերից ավելի վտանգավո՞ր էր Գագիկ Ծառուկյանը»:
Մանրամասները՝ տեսանյութում:
