18.11.2024 | 18:51
Արգիշտի Քյարամյանը աշխատանքային վերջին խորհրդակցությունն է անցկացրել
Արցախի նախագահի հրաժարականի հարցը քննարկվե՞լ է. Իգիթյանի պարզաբանումը. ՏԵՍԱՆՅՈՒԹ
Քաղաքականություն
24.11.2020 | 17:01
Լեռնային Ղարաբաղում շատ խնդիրներ կան, Լեռնային Ղարաբաղն այսօր խնդիրներ ունի թե՛ փախստականներ, թե՛ գյուղերի, թե՛ ռազմական, թե՛ խաղաղապահ ուժերի հետ կապված. այդ հարցերն էինք քննարկում Արցախի նախագահի հետ: Այս մասին, այսօր ԱԺ-ում Արցախի նախագահ Արայիկ Հարությունյանի հետ հանդիպումից հետո նշեց «Իմ քայլը» խմբակցության պատգամավոր Հովհաննես Իգիթյանը՝ հավելելով, որ Արցախի նախագահը շատ չի մնացել:
«Խմբակցության ղեկավարությունը կասի բոլոր հարցերի մասին, որովհետև եղել են հարցեր, որոնց մասին, ինձ թվում է, հիմա կոռեկտ չի հիմա ասել, որովհետև դա կվտանգի պրոցեսները»,- ասաց նա:
Հարցին, թե արդյոք քննարկվել է ռազմական դրությունը չեղարկելու հարցը, Իգիթյանը նկատեց, որ այդ հարցը գտնվում է գործադիր իշխանության տիրույթում. «Գործադիրն այդ հարցը կքննարկի, կմտածի բոլոր վտանգների մասին և կներկայացնի»:
Նա նշեց, որ պատգամավորներից շատերը բարձրացրել են գերիների, զոհվածների մարմինների տեղափոխման հարցերը. «Բոլոր միջազգային կառույցների առջև նաև մեր խորհրդարանական դիվանագիտության միջոցով այդ հարցը պետք է բարձրացվի: Ծնողներն այդ տեղեկատվությունը պետք է ունենան: Ոչ թե գնան իմանալու, այլ իրենց օրական 2-3 անգամ պետք է ասեն՝ նորություն չկա, կամ նորություն կա: Այդ հարցը չնայած ինստիտուցիոնալ առումով անհնար է, որ Արցախն իրականացնի այդ պրոցեսը, որովհետև այնտեղ տեղեր կան, որ անհնար է, բայց առնվազն պետության վերաբերմունքը պետության պետք է լինի:
Ես,որպես պատգամավոր, այդ հարցը բարձրացնում եմ, բայց ես չեմ գտնվում այն իրավասու մարմինների մեջ, որոնք այդ հարցով զբաղվում են: Այսօր օգտգործելով իմ կապերը Եվրոպայում, նաև Ռուսաստանում, մի քանի հարցեր փորձում ենք բարձրացնել, որովհետև անորոշությունները շատ են և դրանց լուծումները պետք է լինեն ժամ շուտ: Ինձ համար սա շատ ավելի կարևոր է, քան ցանկացած քաղաքական հարց, օրինակ՝ ով է լինելու նախարար, կամ չի լինելու: Կան հրատապ հարցեր, որոնք, ցավոք, ԼՂ և մեր պաշտոնյաների հնարավորություններից դուրս են»:
