10.06.2026 | 21:26
Չենք բացառում հնարավոր սադրանքի դրսևորումները. ՆԳՆ-ն «Մայր Հայաստան»-ի դեպքով հաղորդում է ուղարկում ՔԿ
«Առաջնահերթորեն պետք է վերականգնել կյանքի բնականոն հունը»․ Արայիկ Հարությունյանն այցելել է Մարտունի քաղաք
Հասարակություն
21.11.2020 | 19:28
Արցախի նախագահ Արայիկ Հարությունյանն այսօր այցելել է Մարտունի քաղաք։ Այս մասին նա տեղեկացնում է իր ֆեյսբուքյան էջում։
«Հարգելի ՛ հայրենակիցներ
Այսօր այցելել եմ Մարտունի քաղաք: Շրջանային պատասխանատուների և քաղաքաշինության նախարարի ուղեկցությամբ նախ ծանոթացել եմ պատերազմի հետևանքով շրջկենտրոնում եղած ավերածություններին և տեղում համապատասխան հանձնարարականներ տվել վերականգնման ու վերանորոգման աշխատանքների շուտափույթ մեկնարկի վերաբերյալ:
Այնուհետև շրջանի համայնքների ղեկավարների և այլ պատասխանատուների մասնակցությամբ հրավիրել եմ ընդլայնված խորհրդակցություն: Իմ խոսքում ընդգծել եմ, որ առաջնահերթորեն պետք է վերականգնել կյանքի բնականոն հունը՝ շեշտադրելով ենթակառուցվածքային բոլոր խնդիրների լուծումը»:
