Դեկտեմբերի երկրորդ կեսին թոքերի արհեստական շնչառության սարքի վերջնական տարբերակը պատրաստ կլինի. ԲՏԱ նախարարություն

«Այս տարվա ապրիլ ամսին ՀՀ բարձր տեխնոլոգիական արդյունաբերության նախարարություն֊ը Ինժեներական ասոցիացիայի հետ համատեղ հանդես եկավ թոքերի արհեստական շնչառության սարքերի մշակման նախաձեռնությամբ` Հայաստանում և աշխարհում #COVID19֊ի տարածման կանխարգելման և բուժման միջոցառումների շրջանակներում։

Ներկայացված նկարներում Հայաստանում մշակված թոքերի արհեստական շնչառության սարքի նախնական տարբերակն է, որը փորձարկումների վերջին փուլում է, ինչպես նաև վերջնական տեսքը։

Նախագիծն իրագործվել է ամերիկյան NASA Jet Propulsion Laboratory լիցենզավորված պլատֆորմի հիման վրա, որը մրցույթի արդյունքում աշխարհի 330 ընկերություններից տրամադրվել էր ընդամենը 28֊ին, որոնց թվում էր նաև հայկական YEA Engineering ընկերությունը։

Դեկտեմբերի երկրորդ կեսին սարքի վերջնական տարբերակը պատրաստ կլինի»,- ասված է ԲՏԱ նախարարության տարածած հաղորդագրությունում:
—
In April, 2020 the Ministry of High Tech Industry jointly with Engineering Association initiated lung ventilation machine research and development in the scope of #Covid19 pandemic prevention and threatening activities both in Armenia and Worldwide.
The shots illustrate the lung ventilation machine prototype version made in Armenia that is in the stage of testing, as well as the final product view.
The project was implemented by YEA Engineering company using special license by NASA Jet Propulsion Laboratory.
Only 28 companies Worldwide out of 330 were granted by NASA JPL.
The final version of the machine will be ready in the second half of December, 2020